Sjómannafélagi Íslands haldið í gíslingu: „Farið með rangt mál í skemmdarstarfsemi“

„Fyr­ir­svars­menn hins svo­kall­aða stétt­ar­fé­lags hafa engan vilja sýnt til þess að semja um kaup og kjör sinna félags­manna. Ekki hefur verið óskað funda, ekki hafa verið lagðar fram til­lögur og ekk­ert hefur í raun verið lagt til mál­anna af hálfu fyr­ir­svars­manna hins svo­kall­aða stétt­ar­fé­lags á þeim langa tíma sem lið­inn er frá því kjara­samn­ingar losn­uðu fyrir ríf­lega fjórum árum síðan,“ skrifar Heiðrún Lind Mart­eins­dóttir, fram­kvæmda­stjóri Samtaka fyr­ir­tækja í sjáv­ar­út­vegi, um  Sjó­manna­fé­lag Íslands og kallar það mála­mynda­stétt­ar­fé­lag. Hún segir hlut­að­eig­andi sjó­menn líða fyrir.

Í pistli sem Heiðrún Lind birti á Vísi.is greinir hún frá að öll stétt­ar­fé­lög sjó­manna hafi sam­þykkt lang­tíma­kjara­samn­inga við Samtök fyr­ir­tækja í sjáv­ar­út­vegi en að þrátt fyrir það séu þó nokkrir sjó­menn með lausa kjara­samn­inga og hafa verið síðan frá árs­lokum 2019.

Skemmdarstarfsemi Sjómannafélags Íslands

Heiðrún Lind segir að engir kjara­samn­ingar sé hafnir yfir gagn­rýni og þegar samið er séu hags­munir tveggja eða fleiri hafðir að leið­ar­ljósi.

„Við alvar­legt athafna­leysi hins svo­kall­aða stétt­ar­fé­lags bæt­ist síðan, að fyr­ir­svars­menn þess hafa ítrekað farið með rangt mál í skemmd­ar­starf­semi sinni gagn­vart þeim stétt­ar­fé­lögum sem hafa unnið í þágu sinna félags­manna við að ná hag­felldum kjara­samn­ingum og þar með bættum kjörum fyrir sína félags­menn,“ segir Heiðrún Lind og bætir við.

„Það má hins vegar gera þá kröfu að í skoð­ana­skiptum sé farið rétt með stað­reyndir og mál­efna­leg rök sett fram. Þess hefur ekki orðið vart í orð­ræðu fyr­ir­svars­manna Sjó­manna­fé­lags Íslands.“

Kröfur félagsins á huldu

Fyrir rúm­lega ári síðan skrifuð nær öll stétt­ar­fé­lög sjó­manna undir kjara­samn­inga við SFS:

„Þeir samn­ingar voru felldir af öllum félögum nema Félagi skip­stjórn­ar­manna. Í aðdrag­anda þeirra samn­inga lagði Sjó­manna­fé­lag Íslands ekk­ert til mál­anna. Félagið skrif­aði hins vegar undir hlut­að­eig­andi samn­inga og hóf síðan linnu­lausa nið­ur­rifs­starf­semi um sömu samn­inga. Eftir að kjara­samn­ing­arnir voru felldir hefur ekk­ert heyrst frá félag­inu og allt er á huldu um hvers háttar kjara­bætur félags­menn þess ósk­uðu sér.“

Úskýrir Heiðrún Lind að af þeim sökum hafi nú verið gerðir kjara­samn­ingar við félögin sem lögðu fram skýrar kröfur og til­lögum til úrbóta.

„Það gerði Sjó­manna­fé­lag Íslands ekki og við það situr.“

Stéttarfélagið vanrækir ábyrgðarhlutverk sitt

„Það félag sem sinnir ekki grunn­skyldum gagn­vart félags­mönnum, sem starfa á skipum innan vébanda SFS, getur ekki átt heimt­ingu á því að við það séu gerðir kjara­samn­ingar. Á þeim stað er Sjó­manna­fé­lag Íslands. Hjá hinu svo­kall­aða stétt­ar­fé­lagi þurfa fyr­ir­svars­menn ein­fald­lega að gera hreint fyrir sínum dyrum gagn­vart SFS og ekki síður gagn­vart sínum félags­mönnum,“ skrifar Heiðrún að end­ingu.