Segir Gísla Martein upphefja sjálfan sig á kostnað Hrafns: „Það fauk dálítið í mig í gærkvöldi“

Einar Svein­björns­son veð­ur­fræð­ingur er allt annað en sáttur við Gísla Martein Bald­urs­son.

Veð­ur­fræð­ing­ur­inn góð­kunni, Einar Svein­björns­son, skrif­aði færslu á Facebook í morgun þar sem hann gagn­rýnir Gísla Martein Bald­urs­son harð­lega. Segir hann þátta­stjórn­and­ann hafa upp­hafið sjálfan sig á kostnað Hrafns Guð­munds­sonar veð­ur­fræð­ings.

„Það fauk dálítið í mig í gær­kvöldi að sjá þegar Gísli Marteinn Bald­urs­son upp­hafði sjálfan sig á kostnað Hrafna Guð­munds­sonar.“ Þannig byrjar færslan og heldur svo áfram: „Sjón­varpið hafði fyrr um kvöldið gert þau mis­tök að senda út ranga upp­töku af byrjun veð­ur­fregna þar sem Hrafn hafði greini­lega raðað kortum sínum í ranga röð. Hann bað í útsend­ing­unni að fá að byrja upp á nýtt. Getur alltaf komið fyrir og í stað þess að RÚV biðji hann kurt­eis­lega afsök­unar (sem tækni­fólkið í útsend­ingu hefur e.t.v gert?), kemur fjöl­mið­ill­inn sama kvöld og dregur stólpa­grín að Hrafni!“

Einar við­ur­kennir að kannski sé hann full við­kvæmur fyrir mál­inu en það hafi þó verið eitt sem stuð­aði hann meira en annað. „Kannski full­mikil við­kvæmni að minni hálfu, en það sem stuð­aði mig samt mest var að Gísli Marteinn nefndi Hrafn aldrei réttu nafni heldur tal­aði ítrekað um „veð­ur­fræð­ing­inn“. Í því felst ákveðin smættun á þeim sem um er fjallað.

Magnús Tumi sem sem kom í næsta skensi var þó nefndur sínu nafni en ekki kall­aður bara „jarð­fræð­ing­ur­inn“.“

Þá segir Einar að gestir Gísla Marteins, að Katrínu Jak­obs­dóttur und­an­skil­inni, hafi „flissað“ af þessu og segir að veð­ur­fræð­ingar Rík­is­út­varps­ins eigi frekar skilið hrós en háð.

„Yfir þessu flissuðu gest­irnir með Gísla, nema Katrín Jak­obs­dóttir sem kann sig í aðstæðum sem þessum.Þau Hrafn Guð­munds­son, Birta Líf Krist­ins­dóttir, Theódór Her­vars­son, Kristín Her­manns­dóttir og Sigurður Jónsson eiga þakkir skyldar að sinna þessu verk­efni kvöld eftir kvöld og ár eftir ár, að miða veð­ur­spám til lands­mann af alúð. Mæta upp í útvarps­hús síð­degis (á versta tíma dags­ins). Mæta litlum skiln­ingi þeirra sem eru í óða önn að und­ir­búa kvöld­frétt­irnar – eru frekar fyrir en hitt. Dag­skrár­stjórn er oft­ast eng­inn, önnur en sú að halda sig innan tíma­marka. Þekki það vel af eigin raun og held ekk­ert hafi breyst í Efsta­leit­inu í því til­liti.“