Anna er ánægð með bifvélavirkjana á Tenerife: „Mjallhvít brosti sínu breiðasta er ég tók við henni“

Anna Krist­jáns­dóttir er ánægð með bif­véla­virkj­ana á Tenerife.

Frægasti Tenerife-búinn, Anna Krist­jáns­dóttir skrifar afar vin­sælar dag­bók­ar­færslur á Facebook á hverjum degi og vita þeir sem þær lesa, hver Mjall­hvít er. Anna, sem er þekkt fyrir sinn húmor, kallar hvíta bíl­inn sinn Mjall­hvíti en það er ljóst á skrifum hennar að henni þykir afar vænt um bíl­inn.

Í dag­bók­ar­færslu gær­dags­ins skrif­aði Anna meðal ann­ars um Mjall­hvíti en hún fór með hana í skoðun til bif­véla­virkja á eyj­unni sól­ríku. „Í gær­morgun fór ég og sótti hana Mjall­hvíti mína, nýskoð­aða og sæta. Það mega bif­véla­virkjarnir á Tenerife eiga, að þegar ég sótti hana var búið að breiða plast yfir bíl­stjóra­sætið, stýrið og pappa yfir gólfið bíl­stjóra­megin, sem­sagt allt fyrsta flokks. Reyndar þurfti ég að byrja á því að fjar­lægja þetta allt og tengja bíl­tölv­una við netið, en hún hafði verið aftengd svo unnt hefði verið að lesa af ástandi Mjall­hvítar, en net­tölvan er tengd í gegnum sama aðgang og bíl­tölvan.“

Ýmislegt þurfti að laga til að koma Mjall­hvíti í gott stand en Anna er ánægð með verðið en hún borg­aði um 79 þús­und krónur fyrir allt heila klabbið.

„Mjall­hvít brosti sínu breið­asta er ég tók við henni og ók henni heim og hvílir núna í stæð­inu sínu númer 65 í kjall­ar­anum undir Calle Oregon 7 í Los Cristianos. Kostn­að­ur­inn við allan pakk­ann, nýir bremsuklossar, jafn­væg­is­still­ing hjól­anna, olíu­skipti og allar síur, skipti á kæli­vökva á vél­inni og síðan árleg skoðun, sam­tals 530€. Ég var alveg sátt við verðið og borg­aði það með glöðu geði.“