Segir þjóðina búa við þöggunarmenningu: „Slaufunarmenning er blæbrigði af þessu sama fyrirbæri“

Helgi Hrafn Gunn­ars­son segir þjóð­ina búa við „stæka þögg­un­ar­menn­ingu“ í nýrri Facebook-færslu.

Fyrr­ver­andi þing­maður Pírata, Helgi Hrafn Gunn­ars­son steig inn á hálf­gert jarð­sprengju­svæði á Facebook í dag en þar skrif­aði hann um þögg­un­ar­menn­ingu sem hann segir þjóð­ina búa við. „Við búum við stæka þögg­un­ar­menn­ingu.

Hún er ekk­ert ný og ekki til­komin úr ein­hverri einni átt. Við höfum alltaf búið við stæka þögg­un­ar­menn­ingu af einnig eða annarri teg­und.“ Þannig hefst færsla Helga Hrafns. Og heldur síðan áfram: „Þegar ný og betri við­horf hasla sér völl á ein­hverju sviði í sam­fé­lag­inu er hins­vegar leitt að sjá fólk mark­visst og með­vitað inn­gilda þögg­un­ar­menn­ing­una þar líka. Iðulega á þeim for­sendum að hún ríki víðar. Svolítið eins og þegar barnið svarar „hann byrj­aði!“. Sem getur vel verið satt, athugið. Það bara þýðir ekki að það beri að svara kúgun með meiri kúgun.“

Að lokum segir hann að svokölluð slauf­un­ar­menn­ing sé blæ­brigði af sama fyr­ir­bær­inu og hann tal­aði um hér fyrir ofan.

„Það sem hefur verið nefnt slauf­un­ar­menn­ing er blæ­brigði af þessu sama fyr­ir­bæri. Það sem er samt und­ar­legt, og satt best að segja mjög ótrú­verð­ugt, er þegar fólk lætur eins og að slauf­un­ar­menn­ingin sé bara ímyndun fólks með vondar skoð­anir. Þetta er ann­að­hvort ekki heið­ar­legt, eða sjálfs­blekk­ing fólks sem aðhyllist slauf­un­ar­menn­ing­una en treystir sér ekki til að verja hana mál­efna­lega.“

Hér fyrir neðan má sjá færsl­una og hressi­legar umræður sem skap­ast hafa í athuga­semda­kerf­inu við hana.