Talsvert hefur verið fjallað um rifrildi og svívirðingar þegar upp úr sauð á milli kvennréttindakonunnar Hildar Lilliendahl Viggósdóttur og Eyþórs Jónssonar læknis, á Facebook-hópnum; Stafsetningaperrinn. Hildur tilkynnti í gær á X-inu, fyrrum Twitter, að kæran sem hún lagði inn til Siðanefndar Læknafélagsins hafi verið lekið, og telur sig vita frá hverjum lekinn stafaði, og ætla má á skrifunum Hildar að hún ætli Eyþóri lekann.
Nútíminn greindi fyrstur frá illdeilum þeirra. Í frétt miðilsins segir að samkvæmt heimildum miðilsins standi að Hildur hafi borið orðaskiptunum skaða: „Að reyna að niðurlægja fólk á með því að að greina það með downs heilkenni á internetinu er hegðun sem engum lækni ætti að líðast, utan þess að brjóta gegn VII. meginreglu siðareglna.“
Eyþór hneykslaður
Eyþór birti í gærkveldi opna færslu á Facebook-síðu sinni þar sem hann hengir við færsluna frétt DV vegna málsins. Þar gagnrýnir hann vinnubrögð DV og segst ekki hafa svarað fyrirspurnum þar sem engar hafa borist fyrr en eftir birtingu fréttarinnar:
„Þessi kona hefur margsinnis áreitt mig með svívirðingum á samfélagsmiðlum til margra ára… og vantar núna athygli… Einhvern veginn efast ég um að LÍ fari að fjalla um svona kjaftæði þótt reyndar hafi ekkert bent til annars en þau geri það hingað til…“
Í athugasemdum við færsluna svarar Eyþór einum fylgjanda sinna sem spyr hver hlusti á Hildi:
„Jamm… Allavega er mér alveg sama hvað hún gerir og segir… Kennir mér svo um að hafa sent þetta á fjölmiðla sá ég í fréttinni!
Hvaða hagsmuni hefði ég af því?!?! Bara meira hneykslaður á að Læknafélag Íslands skuli opna póstinn frá henni fullan af skít… og athyglissýki… Hvað ætli hún hafi oft sent á t.d. blaðamannafélagið? Eða RÚV… eða hvað annað…“
Öðrum fylgjanda vegna fréttar DV svarar Eyþór:
„Nei… en það að ljúga því að ég hafi ekki viljað tjá mig eða hvernig það var orðað… og að hafa ekki samband við umfjöllunarefni greinar og leita andsvara er víst brot á siðareglum blaðamanna… en sem betur fer er ég ekki Hildur Lillendahl… svo siðanefndin fær að vara í friði:)“
Mannlíf sendi Eyþóri fyrirspurn vegna málsins. Svar hefur ekki enn borist.
Hér að neðan má sjá færslu Eyþórs í heild:
Athugasemdir