Steinunn Ólína vill kíkja í heimsókn: „Með von um að einhver svari kallinu“

Steinunn Ólína Þor­steins­dóttir vill kíkja í heim­sókn til lands­manna.

For­seta­fram­bjóð­and­inn og leik­konan Steinunn Ólína Þor­steins­dóttir seg­ist í nýrri Facebook-færslu langa að koma í heim­sókn, nú þegar kosn­inga­bar­áttan byrjar. „Elsku vinir, mig langar að koma í heim­sókn! Nú fer í hönd kosn­inga­bar­átta sem ég dembi mér út í af mik­illi til­hlökkun. Mig langar að hafa minn hátt­inn á og heim­sækja sveitir og bæi til að ræða við heima­fólk. Þetta vil ég á þessum tíma­punkti frekar gera en mæta með til­búna sölu­ræðu um sjálfa mig sem væn­legt for­seta­efni, kaffi og kleinur, gegn hugs­an­legum atkvæðum.“

Steinunn seg­ist á næstu dögum vilja heim­sækja fólk sem býr á Reykj­ar­nes­inu og aug­lýsir eftir heim­boði. „Á morgun, mánu­dag og þriðju­dag hafa góðir vinir boð­ist til að skutla mér (ég hef aldrei tekið bíl­próf) til nágranna­sveit­ar­fé­laga og því spyr ég: Mig langar að hitta fólk sem býr í Grinda­vík­ur­kaup­stað, Suð­ur­nesjabæ, Reykja­nesbæ og Vogum sem þekkir vel til síns sam­fé­lags og nennir að fá mig í heim­sókn og spjalla yfir kaffi­bolla. Er ein­hver til í það?“

Segist hún í fram­hald­inu svo vilja heim­sækja staði um land allt.

„Með von um að ein­hver svari kall­inu því mig langar til að fá að vita frá fyrstu hendi hvað það er sem helst brennur á fólki. Ég mun í fram­hald­inu eftir föngum heim­sækja staði um allt land með það sama fyrir augum.Ef ein­hver eru til í tuskið bið ég ykkur að vera svo elsku­leg að láta vita í kommentum eða ein­fald­lega senda mér einka­skila­boð.

Bestu kveðjur og deilið endi­lega. Mér er mikil hjálp í því!“