Í nýju viðtali segir tónlistarkonan Ragnhildur Jónsdóttir frá líkamsárás sem hún varð fyrir árið 2015 en hún segist hafi verið á vitlausum stað á röngum tíma.
„Þetta var bara afbrýðissemiskast sem var tekið á mig. Þetta var svona stelpustúss. Ég var lamin mjög illa í heimahúsi í miðbænum og ég fer á spítala. Það sem særði mig hvað mest var að málið var fellt tvisvar niður, stelpan sem var vitni vildi ekki vitna. Það var augljóst hvað hefði gerst, það var blóð upp um allt loft og brotin rúða,“ sagði Ragnhildur í Sunnudagssögum á Rás 2 um líkamsárásina en hún segist mun vel eftir árásinni.
„Maður man eftir því þegar maður liggur og það er sparkað í mann liggjandi og stappað á höfðinu á manni,“ en samkvæmt henni var hún að koma í veg fyrir árás á aðra konu og braut rúðu til að vekja athygli árásarmannsins en Ragnhildur var gestur í íbúðinni.
„Það var nóg til þess að hann gekk frá mér þarna á ganginum,“ sagði Ragnhildur sem fékk aðstoð til vinna úr áfallinu sem hún varð fyrir eftir árásina. „Það tók smá tíma, maður sá hann reglulega þennan mann og það tók tíma að fá ekki í magann en mér er nákvæmlega sama í dag. Hann er bara aumkunarverður lítill karl.“
Athugasemdir