Fjölskylduharmleikurinn í Kópavogi – Móðirin grunuð um að reyna einnig að bana eldri syninum

Í gær gaf hér­aðs­sak­sókn­ari út ákæru á hendur konu sem grunuð er um að hafa banað syni sínum og fyrir til­raun til þess að bana öðrum syni sínum.

Er kon­unni, sem er frá Írak, gefið að sök að hafa banað sex ára syni sínum á heim­ili þeirra í Kópavogi í lok jan­úar síð­ast­lið­ins. Þá er hún einnig talin hafa reynt að bana ell­efu ára syni sínum.

Ekki er úti­lokað að rétt­ar­haldið yfir kon­unni verði lokað en ákæran hefur ekki verið afhent strax, vegna þess að ekki er komið fyr­ir­kall. Konan mót­mælti ekki gæslu­varð­halds­kröf­unni sem verj­andi hennar kynnti ákæruna og fram­leng­ingu á gæslu­varða­ld­inu.

Konan bjó ásamt sonum sínum í Kópavogi en faðir drengj­anna býr einnig á land­inu en ekki með fjöl­skyld­unni. Fjöl­skyldan hefur verið á Íslandi síð­ustu þrjú til fjögur árin en þau hafa alþjóð­lega vernd.

Konan var hand­tekin á vett­vangi en mál ef þessu tagi eru mjög sjald­gæf hér á landi og seg­isr lög­reglan að málið hafi gengið nærri lög­reglu­mönnum. „Þegar barn á í hlut finnst okkur málin erf­ið­ari en sem betur fer er þetta afar fátítt,“ sagði Grímur Grímsson, yfir­lög­reglu­þjónn á sínum tíma í sam­tali við RÚV.

RÚV fjall­aði um málið.