Bassi í Mánum er látinn

Tón­list­ar­mað­ur­inn Björn Þór­ar­ins­son er lát­inn, 81 árs að aldri.

Björn fædd­ist í Reykja­vík 7. sept­em­ber 1943 og lést í Hvera­gerði í fyrra­dag, 16. sept­em­ber, í faðmi fjöl­skyld­unnar eftir skamm­vinn veik­indi. Akureyri.net segir frá and­lát­inu.

Björn var gjarnan kall­aður Bassi og oft tengdur við hljóm­sveit­ina Mána frá Selfossi. Á Akureyri var hann af mörgum þekktur sem Bassi í Tón­rækt­inni en hann stofn­aði tón­lista­skól­ann og rak ásamt eig­in­konu sinni, Sigríði Birnu Guð­jóns­dóttur.

Þau Björn og Sigríður gengu í hjóna­band 3. júlí 1982 en dætur þeirra eru tvær, þær Unnur Birna, fædd 1987 og Dagný Halla, fædd 1993. Fyrir átti Björn þau Stein­unni Evu, fædd 1964, Halldóru Rósu, fædd 1966, Ingi­björgu, fædd 1967 og Björn Sigmund, fæddur 1970 en lát­inn 1974.

Æsku­heim­ili Björns var bær­inn Glóra í Hrauna­gerð­is­hreppi en for­eldrar hans voru Ingi­björg Björns­dóttir og Þórarinn Sig­munds­son. Systkini hans eru Guðrún Sigríður, Kristín og Ólafur Stefán (Labbi). Þá er háfl­bróðir þeirra sam­feðra hann Bjarni Sæberg, fæddur 1936.

Björn var ungur þegar hann fet­aði fyrst tón­list­ar­braut­ina en hann var aðeins 16 ára þegar hann hóf að leika á gítar með Carol kvin­tett, sem var vin­sæl dans­hljóm­sveit á Suð­ur­landi. Þá var hann einnig feng­inn til liðs við fleiri hljóm­sveitir á borð við Safír Sextett og Hljóm­sveit Óskars Guð­munds­sonar.

Það var árið 1967 sem hann til liðs við rokk­bandið Mána á Selfossi en þar var fyrir meðal ann­arra Ólafur bróðir hans, sem ætíð er kall­aður Labbi. Björn lék á Hamm­ond­orgel með Mánum. Síðar stofn­aði hann hljóm­sveit­ina Kaktus sem einnig sló í gegn og síðan hljóm­sveitir á borð við Pardus og Rætur, en hann spil­aði ýmist á hljóm­borð, gítar, bassa og jafn­vel saxa­fón.

Þegar Björn var ráð­inn skóla­stjóri Tón­list­ar­skól­ans á Laugum árið 1990, fluttu þau Sigríður Birna norður í land. Fáeinum árum seinna fluttu hjónin til Akur­eyrar þar sem Björn kenndi við Tón­list­ar­skól­ann á Akureyri, allt þar til þau stofn­uðu Tón­rækt­ina árið 2004 en hana ráku þau til árs­ins 2014. Fluttu þau eftir það til Hvera­gerð­ist og bjuggu þar síðan.

Björn samdi tón­list fyrir bland­aða kóra, barna­kóra, ein­söngv­ara og hljóm­sveitir og tók þátt í fjöl­mörgum mis­mun­andi verk­efnum sem hljóm­borðs­leik­ari og tón­list­ar­stjóri. Þá var hann bæj­ar­lista­maður Akur­eyr­ar­bæjar árið 2009.