Guðjón setti sig í lífshættu fyrir fjögurra manna fjölskyldu: „Ég hélt að öllu væri lokið“

Guðjón Magn­ús­son setti sjálfan sig í lífs­hættu til að bjarga fjöl­skyldu árið 2004.

Mun betur fór en áhorfð­ist árið 2004 þegar Guðjón Magn­ús­son keyrði 28 tonna vöru­bíl út af ein­breiðri brú yfir Laxá í Laxárdal. Hann keyrði hins vegar vilj­andi út af til þess að vöru­bíll hans lenti ekki framan á jeppa sem var að keyra á móti honum á ein­breiðu brúnni en í jepp­anum var fjög­urra manna fjöl­skylda.

Var ekki í belti

„Ég hélt að öllu væri lokið og ég myndi deyja,“ sagði Guðjón Magn­ús­son við DV um málið. „Ég sá svartan jeppa og skelf­ing­ar­svip­inn á kon­unni. Ég hugs­aði bara um að reyna að koma mér burt frá bílnum og forð­ast að stofna lífi þeirra í hættu. Ég rakst aðeins utan í bíl­inn og keyrði í gegnum vegriðið,“ en fallið af brúnni var í kringum tíu metra og var vöru­bíl­inn fullur af möl.

Guðjón var ekki bíl­belti en hann telur að það hafi bjargað lífi sínu. „Húsið var ger­sam­lega í klessu öku­manns­megin. Í fall­inu skaust ég yfir í far­þega­sætið og lá þar smá­stund í sjokki, teygði mig svo í mót­or­brems­una og slökkti á bílnum. Því næst skreið ég út úr bílnum og lagð­ist í grjótið,“ en tók fram að hann væri venju­lega í belti við akstur.

Stolt af syn­inum

„Það fyrsta sem hann sagði við mig var að fólkið í bílnum væri heilt á húfi, þau hefðu sloppið ómeidd,“ sagði Berg­hildur Reyn­is­dóttir móðir Guðjóns um atvikið.

„Ég er far­inn að hall­ast að því að þarna hafi æðri mátt­ar­völd verið að verki, að ein­hver vernd­ar­eng­ill hafi vakað yfir mér þarna, sagði Guðjón. „Ég læt þetta ekki á mig fá, þó þetta hafi vissu­lega verið skelfi­leg lífs­reynsla. Ég fer lík­lega í Borg­ar­nes í dag, hvíla mig í tvær vikur, og fer svo bara aftur að keyra.“