Uber-ferð hins 68 ára gamla Suleman Gauba á miðvikudaginn lauk áður en hún byrjaði með kjaftshöggi en hann var kýldur í andlitið af bílstjóranum eftir að Gauba kvartaði undan plássleysi fyrir fætur sína í bílnum og hætti við ferðina.
Þá steig Gauba úr bílnum og gerði bílstjórinn slíkt hið sama og tók þá ákvörðun að kýla Gauba og féll hann til jarðar við höggið en atvikið átti sér stað í Dallas í Texas í Bandaríkjunum. Eiginkona Gauba var með honum í bílnum og var vitni að öllu saman en kjaftshöggið náðist einnig á öryggismyndavél. Samkvæmt Gauba ætlaði hann með eiginkonu sinni í Walmart.
Árásarmaðurinn lét sig hverfa áður en lögreglan mætti á svæðið og lét Gauba Uber vita af árásinni. Lögreglan í Dalls hvetur fólk sem hefur upplýsingar um málið að hafa samband.
Athugasemdir