Pétur Eggerz Pétursson gagnrýnir fréttamenn RÚV harðlega í nýlegu myndskeiði sem hann birti á Instagram. Segir hann þá hafa sýnt ranga mynd af mótmælum stuðningsmanna Palestínu og Líbanon fyrir utan bandaríska sendiráðið um helgina.
Í myndskeiðinu spyr Pétur hvort fréttamenn RÚV fari ekki yfir heimildir sínar, þar sem sagt hafi verið í kvöldfréttum að rauðri málningu hafi verið skvett á vegg sendiráðsins og grindverki velt um koll. Segir Pétur það rétt að einn mótmælandi hafi skvett málningu en að það hafi verið lögreglan sjálf, sem velti grindverkinu um koll. „Eins og þið sjáið hérna er það Arnar yfirníðingur sem dregur konuna að grindverkinu og fellir grindverkið niður,“ segir Pétur og sýnir ljósmyndir af atvikinu og bætir við: „RÚV, gerið þið betur, mótmælendur voru friðsamir. Það var ein kona sem sletti málningu og lögreglan réðst á hana. Tékkið bara á heimildum ykkar og hættið þessu fucking rugli.“
Hér fyrir neðan má sjá myndband Péturs en þar sést greinilega að lögreglan fellir grindverkið.
Mótmæli
Boðað til skyndimótmæla við utanríkisráðuneytið vegna árása á Íran
Leikstjóri verðlaunakvikmyndar neitaði að taka við friðarverðlaunum
Fréttamaðurinn Don Lemon handtekinn vegna mótmæla gegn ICE
Rithöfundar og fræðimenn þrýsta á bresk yfirvöld vegna hungurverkfallsfanga
Ungur mótmælandi í Íran verður tekinn af lífi
Athugasemdir