Keyrt var á hinn 5 ára gamla Magnús Þórsson árið 1996 en DV fjallaði um málið.
Forsaga málsins er að Magnús var að leika sér á róluvelli nærri heimili sínu sem var í Kambaseli í Breiðholti. Magnús var hjálm á höfðinu að sögn móður hans. Þegar hann var á leið heim var keyrt á hann.
„Þegar hann vaknar fimm tímum síðar á Borgarspítalanum spyr hann fyrst hvar hann sé og segir svo: „Grái jeppinn keyrði á mig.“ Ég veit ekki hvar þessi grái jeppi er eða hver ók honum. Hann virðist hafa stungið af,“ sagði Sólveig Hrönn Jónsdóttir, móðir Magnúsar, við DV. Nágranni þeirra kom að Magnús meðvitundarlausum á hraðahindrun í götunni en ekki nein vitni voru að atvikinu.
Gráar rispur á hjálminum
„Þetta er fjölfarin gata en það virðist sem enginn hafa séð Magnús fyrr en nágranninn kom að. Þá hópaðist að fólk,“ sagði Sólveig og sem betur fer slasaðist drengurinn ekki illa en hann fék sennilega heilahristing. Læknar vildu þó fá hann í nánari skoðun til að fullvissa sig um ekki hafi blætt inn á heilann.
„Það var lán í óláni að hann fór út með hjálminn. Það eru gráar rispur á honum sem bendir til að hann hafi rekist á gráan bíl,“ sagði Sólveig. „Það er hrikalegt að hugsa til þess ef ekið hefur verið á drenginn og hann bara skilinn eftir. Höggið hefur verið það mikið að bílstjórinn hlýtur að hafa tekið eftir því. Eins virðist sem Magnús hafi legið á götunni nokkurn tima án þess að nokkur veitti því athygli,“ sagði móðir hans að lokum.
Athugasemdir