Þrír aðilar gista í fangaklefa eftir nóttina samkvæmt dagbók lögreglunnar á höfuðborgarsvæðinu.
Þó nokkur fjöldi ökumanna var stöðvaður í nótt í skipulögðu eftirlitið lögreglunnar og kærðir fyrir hin ýmsu brot, þar á meðal hraðakstur, akstur gegn rauðu ljósi og akstur án ökuréttinda. Þá sinnti lögreglan á höfuðborgarsvæðinu einnig virku eftirliti með ungmennum undir aldri í miðbænum en nokkrir foreldrar þurftu að koma á lögreglustöð að sækja börn sín sem ekki höfðu aldur til að vera í miðbænum, ásamt því að vera undir áhrifum áfengis eða fíkniefna.
Í Laugardalnum var karlmaður handtekinn eftir að hann var til vandræða. Þegar lögreglan mætti á vettvang hafði hann í hótunum við lögreglumenn.
Þá var vandræðagemsi handtekinn í miðborg Reykjavíkur eftir að hafa verið ítrekað til vandræða fyrir utan skemmtistað. Var hann fluttur á lögreglustöð þar sem rætt var við hann og honum síðan sleppt.
Annar aðili var handtekinn í miðborginni vopnaður kylfu og heimatilbúið eggvopn á sér. Var hann fluttur á stöð þar sem skýrsla var tekinn af honum vegna málsins. Þá var annar maður handtekinn í miðborginni eftir að hafa slegið mann í andlitið með glasi. Var árásaraðilinn vistaður í fangaklefa en árásarþoli var fluttur á bráðamóttöku til aðhlynningar.
Í hverfi 108 var brotist inn í geymslu fjölbýlishúss og verðmætum stolið.
Í Grafarvogi var aðili handtekinn eftir að hann réðist á lögreglumenn sem höfðu afskipti af honum.
Í hverfi 110 var ölvaður ökumaður stöðvaður.
Athugasemdir