Uppnám á leikskólanum Mánagarði sem var lokað í gær – Börn á bráðadeild með hættulega Ecoli-sýkingu

Börn á leik­skól­anum Mána­garði við Egg­erts­götu hafa greinst með Ecoli-smit. Staðfest er að fjögur börn hafa greinst og grunur leikur á að níu börn hafi smit­ast. Þau voru send á bráða­deild Land­spít­al­ans til grein­ingar. Uppnám var á leik­skól­anum sem hefur verið lokað vegna þessa ástands. Ekki er vitað til þess að neitt barn­anna hafi veikst alvar­lega, sem getur verið fylgi­fiskur sýk­ing­ar­innar.

For­eldrar barna á Mána­garði fengu til­kynn­ingu um sýk­ing­una í gær. Helstu ein­kenni eru nið­ur­gangur og sótt­hiti. For­eldrar eru hvattir til þess að fara með börnin á bráða­mót­töku ef grunur er um smit. Málið er komið til  sótt­varna­lækn­is. Morg­un­blaðið greind fyrst frá mál­inu.

Einkenni sýk­ingar koma oft­ast fram eftir 3-8 daga, sam­kvæmt upp­lýs­ingum frá Mat­væla­stofnun Einkenni geta verið allt frá vægum vatns­kenndum nið­ur­gangi í alvar­legan blóð­ugan nið­ur­gang með maga­krömpum og hugs­an­lega upp­köstum.

Venju­lega fylgir eng­inn hiti sýk­ingum eða lít­ill hiti. Veik­indin vara oft­ast í 5-10 daga hjá heilsu­hraustum ein­stak­lingum, en hjá eldra fólki og börnum undir 5 ára getur sýk­ingin verið alvar­legri og varað lengur. Í þeim til­fellum geta komið nýrnaskaðar eða skaðar á tauga­kerf­inu. Dæmi eru um að sýk­ingar af völdum E.coli O157 hafi valið bráðri nýrna­bilun sem leiddi til dauða.

Á vef Mat­væla­stofn­un­ar má lesa nán­ar um E.coli-sýk­ing­ar, en þær má oft­ast rekja til saur­meng­aðra mat­væla eða vatns.

Hóp­sýk­ing­ar eru ekki al­geng­ar Árið 2019 kom upp slíkt til­felli þegar 24 ein­stak­ling­ar, þar af 22 börn, smit­uð­ust af E.coli.