Níu skólar lamaðir í morgun – Kennarar komnir í skæruverkfall með kröfu um milljón á mánuði

Verk­fall kenn­ara í níu skól­um hófst á mið­nætti í nótt. Kenn­ar­ar í fjór­um skól­um til við­bótar munu leggja niður störf í nóv­em­ber ef samn­ingar nást ekki fyrir þann tíma. Semjist ekki hefst verk­fall í Mennta­skól­anum í Reykja­vík 11. nóv­em­ber. Þann 25. nóv­em­ber verður verk­fall í Árbæj­ar­skóla í Reykja­vík, Garða­skóla í Garðabæ og Heið­ar­skóla í Reykja­nesbæ.

Ekki hefur komið fram form­leg kröfu­gerð kenn­ara en krafan er sú að laun þeirra verði í sam­ræmi við þau kjör sem sér­fræð­ingar hafa á almennum mark­aði. Samkvæmt því vilja kenn­arar fá milljón krónur í mán­að­ar­laun. Samn­inga­nefnd sveit­ar­fé­lag­anna hefur talið kröf­una óásætt­an­lega. Sveit­ar­fé­lögin benda á að taka verði til­lit til ann­arra kjara kenn­ara en laun­anna. Þá þykir ljóst að launa­hækk­anir kenn­ara muni leiða til höf­unga­hlaups þar sem aðrar stéttir muni sækja á um svip­aðar kjara­bætur. Ver­falls­boð­unin fór fyrir félags­dóm sem kvað upp úr um að boð­unin væri lög­leg.

Gagnrýnt hefur verið að um sé að ræða skæru­verk­föll sem bitna á litlum hópi nem­enda. Þessi bar­áttu­tækni ræðst af því að dýrt yrði fyrir félög kenn­ara að halda út alls­herj­ar­verk­falli. Þessi aðferð er hag­stæð fyrir verk­falls­sjóð félag­anna.

Verk­föllin sem hófust á mið­nætti eru sum tíma­bundin. Þá er talið mögu­legt að skipt verði út skólum í verk­falli og átökin verði fram­lengd eins og þurfa þykir.