Boða til mótmæla gegn útlendingahatri stjórnmálaflokkanna: „Hvenær er nóg komið? Nægur rasismi?“

Samtökin No Borders Iceland boða til mót­mæla­göngu gegn ras­isma og útlend­inga­hatri stjórn­mála­flokk­anna. Gangan verður 23 nóv­em­ber klukkan 14:00 og gengið verður frá Lækj­ar­torgi að utan­rík­is­ráðu­neyt­inu og endað verður á lög­reglu­stöð­inni við Hlemm.

Laug­ar­dag­inn 23. nóv­em­ber klukkan 14:00 mun fólk mæta og mót­mæla kyn­þátta­hatri og útlend­inga­andúð stjórn­mála­flokk­anna í garð fólks á flótta.

Komið verður saman á Lækj­ar­torgi, þaðan verður gengið að utan­rík­is­ráðu­neyt­inu og því næst að lög­reglu­stöð­inni við Hlemm. Ræðuhöld verða á hverjum stað.

Í við­burð­ar­texta sam­tak­anna á Facebook segir:

„Nú hefur frá­far­andi rík­is­stjórn hafið sína nýj­ustu her­ferð gegn fólki á flótta. Með henni er fólk á flótta svipt dval­ar­leyfi sínu, fólk sem dvalið hefur hér í fjöl­mörg ár og eru fjöl­mörg börn þar á meðal. Þetta er fólk sem hefur ekki vernd í öðru landi og má búast við því að vera sent til landa á borð við Sýrland, Írak, Sómalíu og Afganistan. Þetta er gert í krafti nýrra útlend­inga­laga sem allir þing­flokkar að einum und­an­skildum lögðu blessun sína yfir. Þegar rík­is­stjórnin tekur með opnum örmum á móti fólki af hvíta kyn­þætt­inum en losar sig óðfluga við alla aðra hópa, slíkt er ekki hægt að kalla annað en hvíta yfir­burða­hyggju.

Mið­flokk­ur­inn hefur ásamt fleiri stjórn­mála­flokkum talað fyrir því að réttur fólks til að sækja um vernd verði afnum­inn en slíkt væri brot á fjöl­mörgum sátt­málum sem Ísland hefur aðild að, þar á meðal Gen­far­sátt­mál­anum. Flótta­fólk frá áður nefndum löndum sem hefur fengið sam­þykkta vernd á Íslandi fær allt í einu ekki að dvelja hér áfram og fólk í leit að vernd kemur til með að verða brott­vísað. Er mark­miðið að sjá til þess að engin mann­eskja upp­lifi öryggi hér á landi?

Áformað er að koma á fót fanga­búðum fyrir fólk á flótta sem kemur til lands­ins þar sem Lögreglu verður heim­ilað að beita vopnum og færa börn í varð­hald. Áformin eru knúin áfram af þeirri hug­mynd þræla­halds­ins að hvít yfir­stétt geti hneppt brúnt eða svart fólk í fjötra að eigin geð­þótta.

Hvenær er nóg komið? Nóg ofbeldi? Nægur ras­ismi? Skila­boðin eru skýr. Flótta­fólk er ekki vel­komið og íslensk stjórn­völd halda áfram að sýna það í verki.

Kröfur okkar eru eft­ir­far­andi:

1. Ekki fleiri brott­vís­anir. Byrja á að stöðva brott­vís­anir á grund­velli Dyfl­inn­ar­reglu­gerð­ar­innar.

1. Efn­is­með­ferð og rétt­láta máls­með­ferð fyrir alla.
2. Atvinnu­leyfi á meðan á umsókn stendur.
3. Jafn aðgangur að hús­næði og heil­brigð­is­kerfi.
4. Að endir sé bund­inn á ein­angr­un­ina sem flótta­fólk á Ásbrú og ann­ars staðar fyrir utan höf­uð­borg­ar­svæðið býr við.

1. Leggja niður Útlend­inga­stofnun og fela verk­efni stofn­un­ar­innar öðrum emb­ættum, svo sem þjóð­skrá og sýslu­mönnum.

1. Fallið verði frá áformum um fanga­búðir fyrir full­orðið fólk og börn á flótta.

1. Ald­urs­grein­ingum í formi tann­grein­inga á börnum verði hætt.
2. Svipt­ingu á dval­ar­leyfi flótta­fólks verði hætt.“