Veðurspá ógnar þingkosningunum: „Við verðum að taka hvern dag og hverja klukkustund fyrir sig“

Mikil óvissa er um veð­ur­horfur á kjör­dag og því hætta á að fresta þurfi kosn­ingum í ein­hverjum kjör­dæmum.

Samkvæmt frétt RÚV er dreif­ing á kjör­gögnum á loka­stigi og vel gengur að und­ir­búa þing­kosn­ingar sem verða næst­kom­andi laug­ar­dag.

Fram­kvæmd­ar­stjóri Lands­kjör­stjórnar, Ástríður Jóhann­es­dóttir hefur áhyggjur af veð­ur­spánni fyrir laug­ar­dag­inn en segir hún óvíst hvort verðið muni valda vand­ræðum á fram­kvæmd kosn­ing­anna en að mögu­lega þurfi í ein­stökum kjör­dæmum að fresta kosn­ingum.

„Já, það er ein af þeim sviðs­myndum sem við erum að vinna með í raun­inni,“ segir Ástríður í sam­tali við RÚV og segir enn­fremur að heim­ild sé í kosn­inga­lögum sem leyfi ákveðin frá­vik. Veðrið geti haft áhrif á taln­ingu atkvæða og aðgengi kjós­enda að kjör­stöðum. Aðallega snúa áhyggjur Ástríðar að veð­ur­horfum á Suð­ur­austur- og Aust­ur­landi.

„Það er heim­ild að fresta kjör­fundi og það er skoðað þegar nær dregur,“ segir Ástríður og bætir við að það sé í verka­hring yfir­stjórna í hverju kjör­dæmi fyrir sig að taka ákvörðun um frestun kjör­fundar. Í þeim til­fellum taki þá stað­bundin stjórn­völd ákvörðun í sam­ráði við yfir­stjórnir sveit­ar­fé­laga.

Að sögn hennar má ekki, sam­kvæmt kosn­inga­lögum, hefja taln­ingu atkvæða fyrr en kosn­ingu sé lokið í öllum kjör­dæmum lands­ins. Verði að fresta í einu kjör­dæmi, hefði það miklar afleið­ingar.

Vonast Ástríður til þess að ekki þurfi að fresta kosn­ingum en ekki sé hægt að stað­hæfa neitt um hvort af því verði. Segir hún að það séu skýr skila­boð frá Land­stjórn­inni að öryggi fólks verði ekki teflt í tví­sýnu.

Man Ástríður ekki til þess að svip­aðar aðstæður hafi komið upp áður en vetr­ar­kosn­ingar eru ekki algengar hér á landi en árátugir eru síðan síð­ast var kosið að vetri til.

„Því miður er það þannig að við verðum að taka hvern dag og hverja klukku­stund fyrir sig og fylgj­ast vel með þróun mála.“