Kristrún segir stjórnarmyndurnarviðræðurnar ganga vel: „Ákveðin ábyrgð í því sem við leggjum fram“

Kristrún Frosta­dóttir, for­maður Sam­fylk­ing­ar­innar, ræddi við fjöl­miðla eftir að hafa fundað með Ingu Sæland, for­manni Flokks fólks­ins, og Þorgerði Katrínu Gunn­ars­dóttir, for­manni Við­reisnar, í allan dag til þess að ná saman í von um að geta myndað nýjan rík­is­stjórn.

Samkvæmt Kristrúnu voru ýmiss konar ágrein­ings­mál rædd og nefnir til dæmis ESB í því sam­hengi. „Við erum búin að ræða á síð­ustu dögum breiðu lín­urnar en erum núna komin og höfum verið að ræða álita­málin og höfum kom­ist vel áfram í því,“ sagði Kristrún við RÚV. „Við erum auð­vitað bara með­vituð um það að við erum að koma inn í þessar stjórn­ar­mynd­un­ar­við­ræður í ákveðnu efna­hags­á­standi. Við tökum stöðu rík­is­fjár­mála mjög alvar­lega og viljum að það sé ákveðin ábyrgð í því sem við leggjum fram. Það er verið að ræða ákveðnar mála­miðl­anir þar innan.“

Hval­veiðar ekki ræddar

Kristrún sagði að hval­veiði­leyfi sem Bjarni Bene­dikts­son, starf­andi mat­væla­ráð­herra, veitti í gær hefðu ekki komið til umræðu. Hún tók fram að hún hefði ekki gert það sama í stöð­unni og Bjarni. Þá hefur ekk­ert verið rætt hvort banna eigi hval­veiðar.

Kristrún nefndi sömu­leiðis að þær hafi haldið áfram að ræða um fækkun ráðu­neyta. „Við erum auð­vitað ekki að fara í fækkun ráðu­neyta bara til að spara pen­inga, við viljum líka að það sé eðli­legt skipu­lag á hlut­unum.“

„Við erum alla­vega komnar vel af stað. Það segir ýmis­legt að við erum farnar að ræða álita­málin og að fá lend­ingu í ákveðin mál þar. Það er ýmis­legt sem á enn eftir að ræða en þetta gengur vel,“ sagði Kristrún þegar hún var spurð hvort hún væri bjart­sýn á fram­haldið.