Barnaráðherra sviðsetti opnun meðferðarheimilis fyrir kosningar: „Í dag opnaði Ásmund­ur Ein­ar“

Ásmundur Einar Daðason, frá­far­andi ráð­herra, átti þátt í því ásamt Ólöfu Ástu Farest­veit, for­stjóra Barna- og fjöl­skyldu­stofu, að svið­setja opnun með­ferð­ar­heim­ilis í Blöndu­hlíð í Mos­fellsbæ örskömmu fyrir kosn­ingar. Boðað var til blaða­manna­fundar þar sem ráð­herr­ann var mættur ásamt for­svars­mönnum hins nýja heim­ilis. Þremur vikum síðar hefur heim­ilið enn ekki verið opnað.

Umrætt heim­ili er á svo­nefndu Far­sæld­ar­túni þar sem unnið er að hönn­un nýs þjón­ustu­kjarna fyr­ir börn og ung­menni. Mark­miðið að byggja upp mið­stöð sam­starfs lyk­il­stofn­ana og fé­laga­sam­taka sem starfa að vel­ferð barna. Blöndu­hlíð er ætlað börnum, 13-18 ára, sedm glíma við fíkni­vanda og tekur við verk­efnum af Stuðlum.

Morg­un­blaðið, einn þeirra fjöl­miðla sem voru gabb­aðir, segir frá því að þremur vikum eftir sýnd­ar­opn­un­ina  sé starf­semi enn ekki hafin í hús­inu. Eng­in starf­semi er á heim­il­inu í dag og hefur Barna- og fjöl­skyldu­stofa enn ekki fengið starfs­leyfi fyr­ir Blöndu­hlíð.

„Í dag opn­aði Ásmund­ur Ein­ar Daðason, mennta- og barna­mála­ráð­herra, með­ferðar­heim­ilið Blöndu­hlíð, sem stað­sett er á Far­sæld­ar­túni í Mos­fells­bæ,“ sagði í til­kynn­ingu ráðu­neyt­is­ins 26. nóv­em­ber, aðeisn fjórum dögum fyrir kosn­ingar. Á þeim tíma lá fyrir að heim­ilið yrði ekki opnað. Í til­kynn­ingu á vef Far­sæld­ar­túns þann sama dag var slegið á sömu strengi.

„Í dag var tekið stórt skref að því að gera Far­sæld­ar­tún að þjón­ustu­kjarna fyrir börn og ung­menni þegar með­ferð­ar­heim­ilið Blöndu­hlíð var opnað. Með­ferð­ar­heim­ilið er á vegum Barna- og fjöl­skyldu­stofu og er ætlað ung­mennum á aldr­inum 13-18 ára sem glíma við hegð­unar- og fíkni­vanda og verður við­bót við grein­ingar- og með­ferð­ar­deild Stuðla. Með til­komu Blöndu­hlíðar verður hægt að aðgreina betur börn með mis­mun­andi vanda og veita sér­hæfð­ari þjón­ustu. Börn með þyngri vanda fá áfram grein­ingu og með­ferð á með­ferð­ar­deild Stuðla en í Blöndu­hlíð verður opn­ara úrræði er finna má á Stuðlum og verður Blöndu­hlíð ætluð þeim börnum og ung­mennum sem glíma við væg­ari vanda,“ segir í til­kynn­ing­unni sem stendur enn á vef Far­sæld­ar­túns.

Morg­un­blaðið ræddi við Funa Sig­urðs­son, fram­kvæmda­stjóra með­ferð­ar­sviðs Barna og fjöl­skyldu­stofu, sem kveðst vona að hægt verði að opna heim­ilið í janú­ar kom­andi. Hann vildi þó ekki lofa neinu um það og sagði að að bruna­hönn­uður væri að klára að hanna rým­ing­ar­á­ætl­un og bruna­út­tekt. Þegar það væri afgreitt gæti heim­ilið fengið starfs­leyfi.

Morg­un­blaðið spurði Funa út í orða­lagið í til­kynn­ingu ráðu­neyt­is­ins, þar sem full­yrt er að með­ferðar­heim­ilið hafi verið opnað.

„Það hefði mátt vanda það bet­ur, þannig að við vær­um ekki í þess­ari stöðu.“

Ásmundur Einar náði ekki kjöri í kosn­ing­unum.