Áslaug Arna bjargaði mannslífi í gær: „Enginn vissi hvað hann átti að gera og fólk hljóp í hringi“

Áslaug Arna Sig­ur­björns­dóttir bjarg­aði manns­lífi í gær þegar matur stóð í konu á veit­inga­stað.

Frá­far­andi háskóla-, iðn­aðar – og nýsköp­un­ar­ráð­herr­ann Áslaug Arna Sig­ur­björns­dóttir bjarg­aði lífi konu í gær en báðar voru þær gestir á veit­inga­staðnum Kastrup RVK. Þetta hefur RÚV eftir Jóni Mýrdal, eig­anda veit­inga­stað­ar­ins. Matur hafi staðið í konu og hún ekki getað andað.

„Enginn vissi hvað hann átti að gera og fólk hljóp í hringi,“ sagði Jón í sam­tali við frétta­stofu RÚV seint í gær­kvöld. „Áslaug varð vör við þetta og gekk bara beint í verkið.“

Að sögn Jóns var hringt í sjúkra­bíl og fékk konan skoðun og aðhlynn­ingu á vett­vangi. Hún hafi kvartað yfir að vera svo­lítið aum en að öðru leyti hafi líðan hennar verið góð. Segir hann að hún hafi verið ákveðin í að láta atvikið ekki koma í veg fyrir að hún gæti nýtt miða á tón­leika sem hún átti.

„Það þurfti átak til að ná þessu úr henni svo hún var dálítið aum eftir þetta en hún var komin í spari­gall­ann og ætl­aði bara að fara þegar sjúkra­menn voru farnir,“ sagði Jón.

Jón sagði að það hafi verið sam­dóma álit við­bragðs­að­ila að Áslaug Arna hafi brugð­ist hár­rétt við og að öllum lík­indum bjargað lífi kon­unnar. Sagði hann mikið fát hafa komið á aðra gesti stað­ar­ins og að ekki hefði mátt á tæpara standa.

„Magnað vegna þess að þetta var nátt­úru­lega sein­asti dag­ur­inn hennar sem ráð­herra og hún end­aði kvöldið svona, bjarga manns­lífi. Skilaði lyklunum að ráðu­neyt­inu og bjarg­aði svo manns­lífi.“