Guðrún biskup stendur með mannréttindum: „Kirkjan þarf að vera pólitísk“

Guðrún Karls Helgu­dóttir var kjörin biskup í fyrra en hún tók við af Agnesi Sig­urð­ar­dóttur, sem þótti mjög umdeild á sein­ustu árum sínum í emb­ætt­inu. Guðrún hefur látið til sín taka á þeim stutta tíma sem hún hefur verið biskup og talar reglu­lega fyrir mann­rétt­indum. Bisk­upinn opn­aði sig í við­tali í þætt­inum Segðu Mér á Rás 1.

„Ég er póli­tísk að því leyti að mér finnst skipta mörg mál skipta mjög miklu máli, til dæmis mann­rétt­indi. Ég held að það sé varla annað hægt en að vera póli­tísk þegar kemur að svo­leiðis hlutum,“ sagði Guðrún en tók þó fram að hún hafi aldrei til­heyrt ein­hverjum ákveðnum stjórn­mála­flokki.

„Kirkjan þarf að vera póli­tísk þegar kemur að vel­ferð fólks. Við þurfum að standa með fólki, alltaf. Það er bara hlut­verk kirkj­unnar og Jesús Kristur er nátt­úru­lega engin smá fyr­ir­mynd hvað þetta varðar. Kristnin lítur svo á að Jesús Kristur sýnir okkur hvernig Guð er og hvernig guð vill að við séum.“

Ekki margar fyrirmyndir

Í við­tal­inu segir hún einnig að hún trúi inni­lega á guð og að hún haldi að mjög margir þeirra sem búa á land­inu séu trú­aðir en noti ekki endi­lega sama tungu­málið í þeim efnum.

Þá snertir hún einnig á hversu mikið karla­starf þetta hafi verið þegar hún byrj­aði í því. „Þegar ég var að byrja, þá voru ekki margar konur. Það er ekki fyrr en á síð­asta árinu mínu þegar ég var að læra sem fyrsta konan varð kenn­ari í guð­fræði­deild­inni. Fyr­ir­mynd­irnar voru ekki margar, við vorum að ganga inn í svo mikið karla­starf og við þurfum að finna út sjálfar hvernig við ætl­uðum að hafa þetta.“