Mannlaus bátur fannst á reki í Hafnarfjarðarhöfn – Eigandinn fannst látinn stuttu síðar

Erlendur karl­maður sem hugð­ist flytja bát sinn til Reykja­víkur frá Hafn­ar­firði, einn síns liðs, fannst á reki í Hafn­ar­fjarð­ar­höfn.

Í sept­em­ber 1975 sagði glæ­nýtt dag­blað að nafni Dag­blaðið, frá sorg­legum atburði en þann 8. sept­em­ber fannst bátur á reki við Hafn­ar­fjarð­ar­höfn en eig­and­inn, sem var 66 ára gam­all og af erlendu bergi brot­inn, hafði til­kynnt að hann ætl­aði sér að leggja af stað til Reykja­víkur þann morg­un­inn. Báturinn var enn í gangi þegar hann fannst en stuttu síðar fannst lík manns­ins á reki í höfn­inni. Talið var að mað­ur­inn hafi fallið frá borði en nokkuð slæmt veður hafði verið um morg­un­inn.

Hér má lesa frétt Dag­blaðs­ins í heild sinni:

Fannst lát­inn í Hafn­ar­fjarð­ar­höfn

Maður fórst i Hafn­ar­fjarð­ar­höfn i gær, er hann varð við­skila við bát sinn þar i höfn­inni. Hann hafði ætlað að flytja bát­inn inn til Reykja­víkur, var einn á ferð og er ekki full­ljóst, hvernig slysið bar að höndum. Maður þessi, sem fæddur er 1909 og af erlendu bergi brot­inn, til­kynnti Hannesi Hafstein hjá Slysa­varna­fé­lagi Íslands, að hann hygð­ist leggja af stað til Reykja­vikur klukkan kortér fyrir ell­efu. Svo var um samið, að hann léti vita af sér, er hann kæmi til Reykja­víkur. Klukkan rúm­lega hálf tólf var lög­regl­unni i Hafn­ar­firði til­kynnt að bátur væri á reki i höfn­inni. Það reynd­ist vera bátur manns­ins, og hafði hann rekið yfir að vest­ari hafn­ar­garð­inum. Hann var mann­laus, en vélin i gangi. Leit var þegar hafin og slysa­varna­sveitin i Hafn­ar­firði kvödd út. Skömmu síðar fannst líkið á reki i höfn­inni. Helzt er talið, að mað­ur­inn hafi fallið fyrir borð, en veður gekk á með hvössum hryðjum og hált var á botni báts­ins, sem er úr plasti.