Iðnaðarverkfræðingur skipaður formaður stjórnar Loftslags- og orkusjóðs

Vil­hjálmur Hilm­ars­son hefur verið skip­aður for­maður stjórnar Lofts­lags- og orku­sjóðs en greint er frá þessu á vef stjórn­ar­ráðs­ins. Vil­hjálmur tekur við stöðu stjórn­ar­for­manns af Haraldi Bene­dikts­syni, sem lætur af störfum að eigin ósk.

„Vil­hjálmur er hag­fræð­ingur að mennt með M.Sc. gráðu frá Háskóla Íslands og B.Sc. í iðn­að­ar­verk­fræði frá sama skóla.  Und­an­farin ár hefur Vil­hjálmur starfað sem hag­fræð­ingur BHM, en starfar nú sem hag­fræð­ingur hjá Visku stétt­ar­fé­lagi. Áður starf­aði Vil­hjálmur hjá Samtökum iðn­að­ar­ins og Mannviti verk­fræði­stofu, nú Cowi. Sérsvið hans hjá Mannviti var kostn­aðar- og ábata­mat sam­göngu­mann­virkja og önnur verk­efni á sviði sam­göngu­hag­fræði,“ segir í til­kynn­ing­unni um skipun hans.

„Lofts­lags- og orku­sjóður styður við nýsköp­unar- og inn­viða­verk­efni á sviði lofts­lags­mála, orku­nýtni, orku­skipta og hringrás­ar­hag­kerfis, einkum til verk­efna í tengslum við inn­leið­ingu nýrra lofts­lagsvænna lausna, auk þess að styðja við verk­efni sem lúta að kynn­ingu og fræðslu um áhrif lofts­lags­breyt­inga.“

Stjórn Lofts­lags- og orku­sjóðs skipa:

Vil­hjálmur Hilm­ars­son, for­maður, skip­aður án til­nefn­ingar.
Diljá Mist Ein­ars­dóttir, skipuð án til­nefn­ingar.
Jón Geir Pét­urs­son, pró­fessor við Háskóla Íslands, til­nefndur af háskóla­sam­fé­lag­inu.
Katrín Helga Hall­gríms­dóttir, lög­fræð­ingur hjá Samorku, til­nefnd af Samtökum atvinnu­lífs­ins.
Guð­mundur Hörður Guð­munds­son, til­nefndur af umhverfis- og nátt­úru­vernd­ar­sam­tökum.