Atli Fannar segir óþarfi að rífast um „woke“

„Vil helst ekki eyði­leggja góðan sam­fé­lags­miðla­æs­ing en þau sem skil­greina sem sem woke og þau sem hata woke eru að tala um sitt­hvorn hlut­inn. Það er því algjör óþarfi að ríf­ast um þetta.“ Þannig hefst Facebook-færsla Atla Fannars Bjarka­sonar, þar sem talar um heit­ustu kart­öfl­una á sam­fé­lags­miðlum Íslend­inga í dag, vókisma, eftir að Sólveig Anna Jóns­dóttir reifst við Hallgrím Helgason á Sam­stöð­inni um hug­takið um helg­ina.

„Þau sem telja sig vera woke horfa til upp­runa­legu skil­grein­ing­ar­innar, sem sner­ist um að vera vak­andi gagn­vart ras­isma. Það færð­ist svo yfir á annað félags­legt órétt­læti, þannig að bar­áttu­konan Sólveig Anna væri eflaust woke sam­kvæmt upp­runa­legu skil­grein­ing­unni.“

Atli Þór útskýrir svo hvernig þau sem hata vókisma skil­greini hug­takið:

„Þau sem hata woke skil­greina hug­takið hins vegar þannig að þau sem aug­lýsa góð­mennsku sína, styðja slauf­un­ar­menn­ingu og póli­tíska rétt­hugsun séu woke. Þau velja svo sjálf hverja þau skil­greina með þessum hætti, hvort sem fólki líkar betur eða verr.

Vonandi bendir þessi færsla ekki til þess að ég nenni að taka frek­ari þátt í rifr­ild­inu um þetta.“