Ólöf Björnsdóttir, fyrrverandi tengdamamma Eiríkis Ásmundssonar, fullyrðir að Ásthildur Lóa Þórsdóttir, fyrrverandi ráðherra, hafi játað að hafa átt í sambandi við Eirík þegar hann var 15 ára.
„Þess vegna veit ég að Ásthildur Lóa og Eiríkur Ásmundsson áttu sannarlega í sambandi þegar Ásthildur Lóa var 22 ára og Eiríkur 15 ára, jafnvel þó hann væri nýorðinn 16 ára þegar barn kom undir. Þetta viðurkenndi Ásthildur Lóa þegar hún hringdi í mig í fyrsta sinn til að ræða þetta mál. Það gerði hún í vitna viðurvist mín megin sem geta staðfest það. Ásthildur Lóa var á þessum tíma byrjuð í kennaranámi í háskóla. Eiríkur að útskrifast út grunnskóla.“
Ólöf skrifaði innsenda grein á Vísi um sína hlið á málinu en mikið hefur verið deilt um aldur Eiríks þegar samband hans hófst við Ásthildi. Ráðherrann fyrrverandi hefur fullyrt í fjölmiðlum að Eiríkur hafi verið 16 ára gamall og hafi samband þeirra hafi verið stutt. Sjálfræðisaldur á þeim tíma var 16 ár.
Ólöf gerir einnig athugasemdir við að fólk telji hana vera ná sér niður á núverandi ríkisstjórn og hafa sumir bent á að Ólöf hafi sent þingmanni Sjálfstæðisflokksins tölvupóst um málið áður en það varð opinbert.
„Það er ekkert leyndarmál að ég hef aldrei kosið Sjálfstæðisflokkinn, ég var Vilmundarkona á sínum tíma og Jóhanna Sigurðardóttir gerði margt gott, Vinstri græn hef ég líka kosið en aldrei Sjálfstæðisflokkinn. Síðast kaus ég Samfylkinguna en ég er ekki búin að ákveða mig hvað ég kýs næst en það verður ekki Flokkur fólksins,“ skrifar Ólöf
Athugasemdir