Prestar í íslensku þjóðkrikjunni fordæma brottvísun

Til þar til bærra stjórn­valda á Íslandi.

Við und­ir­rituð, vígðir prestar í íslensku þjóð­kirkj­unni, lýsum yfir sam­stöðu með þeirri fjöl­skyldu sem nú fer fram á dval­ar­leyfi fyrir Oscar Anders Florez Bocanegra.

Forsaga máls­ins er skv. lýs­ingu fjöl­skyld­unnar sú að:

Oscar Anders Florez Bocanegra, 17 ára drengur frá Kólumbíu, stendur nú frammi fyrir því að vera vísað úr landi í annað sinn. Oscar kom hingað árið 2022 ásamt föður sínum. Móðir hans er ekki til staðar í lífi hans og faðir hans var til­kynntur fyrir ofbeldi á hans hendur og hefur afsalað sér form­lega for­sjá hans. Þrátt fyrir það var Oscar sendur úr landi með föður sínum síð­ast­liðið haust. Í Bogotá gripu hann engin barna­vernd­ar­yf­ir­völd og hann end­aði því einn á göt­unni, óvar­inn, ein­mana og hræddur. Fóst­ur­fjöl­skylda hans á Íslandi kom honum aftur heim til Íslands, þar sem hann hefur notið öryggis, skóla­göngu ogum­hyggju. Þar til nú, þegar stendur til að vísa honum aftur úr landi.

Við sem þessa yfir­lýs­ingu und­ir­ritum eigum ekki beina aðkomu að mál­inu en við teljum okkur skylt og ljúft að sýna mál­stað þessa barns sam­stöðu. Íslenska Þjóð­kirkjan er evang­el­ísk-lúth­ersk kirkja og sem slíkri ber henni miða erindi sitt við rit­skýr­ingu Bibl­í­unnar. Við prests­vígslu lofar vígslu­þegi að standa vörð um „æsku­lýð­inn“, að „styðja lít­il­magna og hjálpa bág­stöddum“, auk þess að „rann­saka ritn­ing­arnar“ og lifa eftir þeim. Í sið­fræði Gamla testa­ment­is­ins er lögð áhersla á umgengni við útlend­inga og í sama kafla og Jesús nam orðin „Þú skalt elska náunga þinn eins og sjálfan þig“ (3M 19.18) er jafn­framt að finna þá kröfu að: „Aðkomu­maður, sem dvelur hjá ykkur, skal njóta sama réttar og inn­bor­inn maður. Þú skalt elska hann eins og sjálfan þig því að þið voruð aðkomu­menn í Egypta­landi. Ég er Drottinn, Guð ykkar.“ Í kennslu Jesú eru börn í for­grunni, sem fyr­ir­myndir og sem skjól­stæð­ingar okkar: „Leyfið börn­unum að koma til mín, varnið þeim eigi því að slíkra er Guðs ríki.“ Þá er sið­fræði Bibl­í­unnar dregin saman í orðum Jak­obs­bréfs sem segir að: „Hrein og flekk­laus guð­rækni fyrir Guði föður er að vitja mun­að­ar­lausra og ekkna í þreng­ingum þeirra.“

Kirkjan fagnar nú gleði­dögum en þeir eru haldnir í ljósi upp­risu­há­tíðar páskanna og að und­an­geng­inni föstu, þar sem sam­fé­lög og ein­stak­lingar eru hvött til að iðka mis­kunn­semi og að rækta kær­leika í garð allra.

Sú fjöl­skylda sem nú berst fyrir vel­ferð Oscar Anders Florez Bocanegra og hefur veitt honum skjól í þreng­ingum sínum, birtir með beinum hætti þá dyggðasið­fræði sem Biblían kennir. Við tökum undir þá kröfu að honum verði veitt dval­ar­leyfi hér­lendis.

Virð­ing­ar­fyllst,

Sr. Aðal­steinn Þor­valds­son, prestur í Akur­eyrar- og Laug­lands­presta­kalli.

Sr. Arna Grét­ars­dóttir, sókn­ar­prestur í Reyni­valla­presta­kalli.

Sr. Arndís G. Bern­hards­dóttir Linn, Mos­fells­presta­kall, Mos­fellsbæ.

Sr. Árni Þór Þórsson, prestur inn­flytj­enda og flótta­fólks.

Dr. Bjarni Karlsson, prestur og sið­fræð­ingur við sál­gæslu­stof­una Haf.

Sr. Bolli Pétur Bollason, prestur í Tjarna­presta­kalli.

Sr. Bryndís Böðv­ars­dóttir, prestur.

Sr. Daníel Ágúst Gautason, prestur í Linda­kirkju.

Sr. Edda Hlíf Hlíf­ars­dóttir, prestur í Húna­vatns­presta­kalli.

Sr. Elínborg Gísla­dóttir, sókn­ar­prestur í Grinda­vík­ur­sókn.

Sr. Eva Björk Valdi­mars­dóttir, bisk­ups­rit­ari.

Sr. Guð­mundur Örn Jónsson, sókn­ar­prestur í Vest­manna­eyja­presta­kalli.

Sr. Guðný Hall­gríms­dóttir, prestur fatl­aðra.

Sr. Hildur Björk Hörpu­dóttir, við Gler­ár­kirkju á Akureyri.

Sr. Hildur Eir Bolla­dóttir, sókn­ar­prestur í Akur­eyr­ar­kirkju.

Sr. Hjalti Jón Sverr­is­son, fanga­prestur.

Sr. Jóhanna Gísla­dóttir, prestur í Akur­eyrar- og Lauga­lands­presta­kalli.

Sr. Jóna Hrönn Bolla­dóttir, sókn­ar­prestur í Vídalíns­kirkju í Garðabæ.

Sr. Margrét Lilja Vil­mund­ar­dóttir, prestur í Frí­kirkj­unni í Hafn­ar­firði.

Sr. Matt­hildur Bjarna­dóttir, prestur í Vídalíns­kirkju í Garðabæ.

Sr. Oddur Bjarni Þor­kels­son, prestur í Dal­vík­ur­presta­kalli.

Sr. Ragn­heiður Karítas Pét­urs­dóttir, prestur.

Dr. Sigríður Guð­mars­dóttir, pró­fessor við Guðfræði- og trú­ar­bragða­fræði­deild HÍ.

Sr. Sigríður Munda Jóns­dóttir, sókn­ar­prestur í Þor­láks­hafn­ar­presta­kalli.

Sr. Sigrún Mar­grétar Ósk­ars­dóttir, prestur og fag­legur hand­leið­ari Land­spít­ala.

Dr. Sigurvin Lárus Jónsson, prestur í Vídalíns­kirkju í Garðabæ.

Sr. Sólveig Halla Krist­jáns­dóttir, prestur í Þing­eyj­ar­presta­kalli.

Sr. Stefanía Steins­dóttir, sókn­ar­prestur í Ólafs­fjarð­ar­presta­kalli.

Sr. Toshiki Toma, prestur inn­flytj­enda og flótta­fólks.

Sr. Úrsúla Árna­dóttir, prestur.