Íslenskir matreiðslumeistarar með söfnun fyrir fórnarlömb jarðskjálftans í Myanmar

Á félags­fundi Klúbbs mat­reiðslu­meist­ara, sem hald­inn var í IKEA í apríl, var efnt til söfn­unar til stuðn­ings fórn­ar­lömbum jarð­skjálft­anna í Myanmar. Söfnunin rennur að fullu til „World Chefs Without Borders (WCWB)“ – mann­úð­ar­verk­efnis á vegum Worldchefs. Með þess­ari aðgerð sýna íslenskir mat­reiðslu­menn mikla sam­kennd og ábyrgð gagn­vart sam­fé­lags­legu hlut­verki sínu. Mat­reiðslu­fólk hvaðanæva af land­inu tók þátt í söfn­un­inni. Þetta kemur fram í frétta­til­kynn­ingu frá klúbbnum.

„Við teljum mik­il­vægt að nota hæfi­leika okkar og tengsla­net ekki ein­ungis til að elda góðan mat, heldur einnig til að hjálpa fólki í neyð,“ segir Árni Þór Arn­órs­son, fyrir hönd Klúbbs mat­reiðslu­meist­ara.

„Þessi gjöf er lítil aðgerð í sjálfu sér, en hún ber með sér sterkt og mik­il­vægt skila­boð um alþjóð­lega sam­stöðu.“

Markmið „World Chefs Without Borders“ er að virkja mat­reiðslu­fólk um allan heim til að taka þátt í mann­úð­ar­verk­efnum eftir nátt­úru­ham­farir, stuðla að fræðslu og styðja upp­bygg­ingu sam­fé­laga. Fram­lagið frá Íslandi fer beint til hjálp­ar­starfs í Myanmar, þar sem jarð­skjálft­inn hefur haft alvar­leg áhrif á þús­undir manna.

„Við erum afar þakk­lát fyrir rausn­ar­legan stuðn­ing frá kol­legum okkar á Íslandi,“ segir full­trúi WCWB. „Þessi gjöf gerir okkur kleift að koma aðstoð til þeirra sem mest þurfa á að halda.“

Aðgerðin er hluti af stærra mark­miði WCWB um að hvetja mat­reiðslu­menn – sér­stak­lega unga kokka – til að axla ábyrgð og taka þátt í hjálpar- og mann­úð­ar­verk­efnum. Með þátt­töku sinni sýna íslenskir mat­reiðslu­menn að áhrif þeirra ná langt út fyrir eld­húsið og veita þannig öðrum inn­blástur til góðra verka.