Mótmæla mótmælum á Austurvelli

Samtökin No Borders Iceland hafa ásamt nokkrum öðrum sam­tökum, boðað til gagn­mót­mæla á Aust­ur­velli þann 31. maí næst­kom­andi. Eru mót­mælin boðuð vegna ann­arra mót­mæla sem boðuð hafa verið gegn stefnu yfir­valda í mál­efnum hæl­is­leit­enda.

Ekki kemur fram hver stendur á bak við mót­mæli sem boðuð eru á Aust­ur­velli laug­ar­dag­inn 31. maí klukkan 14:00 en í færslu sem skrifuð var á við­burð­inn á Facebook segir:

„Mótmæli 31.maí. Þú verður að mæta!

Við stöndum á tíma­mótum – fram­tíð Íslands er í húfi.
Stjórn­völd hafa brugð­ist skyldum sínum með veikri og óábyrgri stefnu í mál­efnum hæl­is­leit­enda.
Landa­mæri eru að engu höfð, reglur brotnar og öryggi almenn­ings sett í annan sæti.

Nú ætla „No Borders“-hreyf­ingar og jafn­vel aðrir öfga­hópar að mæta – ekki til að hlusta, heldur til að ryðj­ast yfir lýð­ræð­is­legt sam­tal okkar með kröfum um opið land, reglu­leysi og afnám sjálf­stæðrar stefnu Íslands.

Við segjum: það er komið nóg!

Ef við stöndum ekki saman núna, þá tapar rödd almenn­ings.
Við verðum að mæta – til að standa vörð um lög, öryggi og fram­tíð barna okkar.

Komdu og sýndu að þú styður Ísland með rótum, reglu og ábyrgð.
Ekki láta öfga­hópa eigna sér umræð­una.“

Klukkan 13:00 sama dag og sama stað er svo boðað til mót­mæla útlend­ina­hatri og ofbeldi en það eru sam­tök á borð við No Borders Iceland, IWW Ísland og Réttur barna á flótta, sem standa á bak við mót­mælin.

Í við­burð­ar­lýs­ingu þeirra mót­mæla stendur:

„Á sama tíma og rasískt gengi útlend­inga­hat­ara áformar að hóp­ast saman í þeim til­gangi að dreifa for­dómum, ótta, áróðri og hvatn­ingu til ofbeldis gegn flótta­fólki munum við koma saman á Aust­ur­velli og mæta þeim með skýrum skila­boðum. Við sam­þykkjum ekki útlend­inga­hatur, ofbeldi eða ras­isma, við stöndum með fólki á flótta og rétt­inum til öryggis, frelsis og mann­legrar reisnar.

Mætum öll á Aust­ur­völl laug­ar­dag­inn 31. maí 13:00 og stöndum sam­einuð gegn ras­isma og aðskiln­aði, og fyrir sam­fé­lagi byggðu á sam­stöðu, mann­rétt­indum og virð­ingu.

Við hvetjum öll sem hafna hat­urs­orð­ræðu og kyn­þátta­hyggju til að mæta með okkur og sýna að ras­ism­inn mun ekki vaða uppi óáreittur.

Fólk á flótta eru mann­eskjur með rödd, líf og rétt til ferða­frelsis og öryggis.

Við stöndum saman – í and­spyrnu.“

Mannlíf hafði sam­band við Kristján Helga Þrá­ins­son hjá aðgerð­ar­deild lög­regl­unnar á höf­uð­borg­ar­svæð­inu, varð­andi það hvort lög­reglan hefði áhyggjur af því að þessir mis­mun­andi hópar séu að fara að mót­mæla á sama stað. Kristján Helgi sagði að þetta yrði skoðað betur hjá lög­regl­unni þegar nær dregur.