Greta Thunberg og aðrir aðgerðarsinnar sigla til Gasa

Lofts­lags­að­gerð­ar­sinn­inn Greta Thunberg og ell­efu aðrir aktí­vistar hafa lagt af stað sjó­leiðis til Gasa á skipi sem ætlað er að „rjúfa umsátur Ísraels“ um hið eyði­lagða land­svæði, sam­kvæmt upp­lýs­ingum frá skipu­leggj­endum.

Segl­skipið Madleen, sem rekið er af aðgerða­hópnum Freedom Flotilla Coalition, lagði af stað frá höfn­inni í Catania á Sikiley, suður á Ítalíu, í gær.

Aðgerð­ar­sinnar sögðu á blaða­manna­fundi sama dag að ætl­unin væri að kom­ast að ströndum Gasa til að koma með eitt­hvað af mann­úð­ar­að­stoð og vekja „alþjóð­lega athygli“ á áfram­hald­andi mann­úð­ar­krísu á svæð­inu.

„Við gerum þetta vegna þess að, sama hversu miklu við stöndum and­spænis, verðum við að halda áfram að reyna,“ sagði Thunberg með tárum í aug­unum í ræðu sinni.

„Því augna­blikið þegar við hættum að reyna er augna­blikið sem við glötum mannúð okkar. Og hversu hættu­legt sem þetta verk­efni er, þá er það ekki einu sinni nálægt því jafn hættu­legt og þögn alls heims­ins gagn­vart beinu útsend­ing­unum af þjóð­ar­morð­inu.“

Um miðjan maí slak­aði Ísrael lít­il­lega á umsátr­inu um Gasa eftir nærri þriggja mán­aða algjöra lokun og leyfði tak­markað magn af mann­úð­ar­að­stoð inn. En sér­fræð­ingar vara við því að hung­ursneyð gæti blasað við ef aðstoðin verður ekki aukin.

Samtök Sam­ein­uðu þjóð­anna og helstu hjálp­ar­sam­tök segja að ísra­elskar tak­mark­anir, upp­lausn laga og reglna og mikil rányrkja og grip­deildir geri það gríð­ar­lega erfitt að koma hjálp til rúm­lega tveggja millj­óna Palest­ínu­manna á svæð­inu.

Meðal þeirra sem eru um borð í Madleen eru leik­ar­inn Liam Cunningham, þekktur úr Game of Thrones, og Rima Hassan, frönsk þing­kona á Evr­ópu­þing­inu með palest­ínskar rætur. Hún hefur verið bönnuð frá því að koma til Ísraels vegna opin­berrar and­stöðu sinnar við aðgerðir Ísraels á Gasa.

Liam CunninghamÍrski leik­ar­inn er meðal áhafn­ar­með­lima Madleen.

Aðgerð­ar­sinn­arnir gera ráð fyrir að ferðin taki um sjö daga, ef för þeirra verður ekki stöðvuð.

Thunberg, sem varð heims­þekkt fyrir lofts­lags­mót­mæli í heima­landi sínu Svíþjóð, ætl­aði upp­haf­lega að fara með á öðru skipi frá Freedom Flotilla síð­asta mánuð. Sú ferð mistókst þó í byrjun maí eftir að dróna­árás var gerð á annað skip hóps­ins, Conscience, á alþjóð­legu haf­svæði undan ströndum Möltu.

Hópurinn kennir Ísrael um árás­ina, sem olli skemmdum framan á skip­inu.

„Við erum að rjúfa umsátrið um Gasa sjó­leiðis, en það er aðeins hluti af stærri áætlun aðgerða sem miða einnig að því að rjúfa umsátrið á landi,“ sagði aðgerð­ar­sinn­inn Thiago Ávila.

Hann nefndi Global March to Gaza, alþjóð­legt fram­tak sem einnig stendur læknum, lög­fræð­ingum og blaða­mönnum til boða, sem er ætlað að fara frá Egypta­landi og ná til Rafah-landamær­anna um miðjan júní. Skipu­leggj­endur ætla að mót­mæla þar og krefj­ast þess að Ísrael hætti árásum á Gasa og opni landa­mærin á ný.

Hægt er að fylgj­ast með för Gretu og félaga hennar hér.