„Andrúmsloftið verður verra og verra með hverjum deginum“

Áhafnir Haf­rann­sókna­stofn­unar og Land­helg­is­gæsl­unnar hafa verið án samn­ings í meira en ár. Atkvæða­greiðsla um verk­fall hjá Hafró. Telja sig útundan í vinnu­tíma­stytt­ingu.

Nú hafa áhafnir skipa Haf­rann­sókna­stofn­unar og loft­fara sem og skipa Land­helg­is­gæsl­unnar verið samn­ings­lausar síðan í mars í fyrra, en þá rann kjara­samn­ingur þeirra við ríkið út, en áhafnir Land­helg­is­gæsl­unnar hafa hins vegar ekki verk­falls­rétt, en það hafa áhafnir Haf­rann­sókna­stofn­unnar aftur á móti. Munu þær greiða atkvæði um vinnu­stöðvun. Verði vinnu­stöðv­unin sam­þykkt, mun hún hefj­ast í lok ágúst.

Formaður Félags skip­stjórn­ar­manna, Árni Sverr­is­son, sagði við RÚV að þetta séu einu stéttir sjó­manna sem ekki hafi verið samið við og engir fundir um kjara­mál hafa verið boð­aðir:

„Þrátt fyrir að stjórn­völd tali um mik­il­vægi þess­ara stofn­ana fyrir land og þjóð, þá hefur ekki náðst saman. Okkur hugn­ast ekki að missa þetta inn i sum­arið, and­rúms­loftið hjá mönnum á þessum skipum og í þessum störfum sem við semjum fyrir er veru­lega farið að súrna.“

Árni er spurður að því hvað beri á milli í deil­unni:

„Það er búið að semja um betri vinnu­tíma og vakta­hvata og vinnu­tíma­stytt­ingu hjá öllum þorra lands­manna en þessar stéttir hafa orðið útundan og það er það sem við höfum ekki náð saman um. Það er ljóst að ríkið þarf að koma að þessu máli með meiri fjár­muni.“

Árni segir langvar­andi vinnu­deilur hafa vond áhrif á starfs­menn:

„And­rúms­loftið verður verra og verra með hverjum deg­inum sem líður. Það er uggur í manni vegna þess að þetta eru stéttir sem eru að leggja sig fram um að gæta land­helg­innar, svo á flug­vélum og þyrlum Land­helg­is­gæsl­unnar, bjarga manns­lífum og leggja sjálfa sig í hættu við það. Það er aldrei gott á vinnu­stað að vera samn­ings­laus.“

Kemur fram að í þessum hópi eru meðal ann­ars skip­stjórar og skip­herrar á varð­skipum, skip­stjórn­ar­lærðir sig­menn á þyrlum Gæsl­unnar og stýri­menn og skip­stjórar í stjórn­stöð hennar og á flug­vél hennar. Einnig eru þar sjó­mæl­inga­menn, skip­stjórar og stýri­menn á rann­sókna­skipum Haf­rann­sókna­stofn­unar, vél­stjórar, hásetar sem og mat­sveinar:

„Það er bara ósamið við allar sjóstéttir hjá þessum stofn­unum rík­is­ins. Það þarf bara að fara að leysa þetta. Þetta hefur dreg­ist allt of mikið á lang­inn,“ sagði Árni að lokum.