„Er ekki bara best að hætta þessu og fara að gera eitthvað annað?“

Það gengur ekki vel hjá KR sem steinlá gegn Val, 6-1, í Bestu deild­inni í fót­bolta og tapið varð þess vald­andi að KR situr í 10. sæti Bestu deild­ar­innar, aðeins einu stigi frá fall­sæti.

KR er það lið sem hefur skorað flest mörkin í Bestu deild­inni í sumar, en vanda­málið er að KR er það lið sem hefur fengið á sig flest mörk í deild­inni, og því ljóst að varn­ar­leik­ur­inn er höf­uð­verkur KR.

Það mátti heyra mátti stuðn­ings­menn KR baula á lið sitt eftir stór­tapið gegn Val, en þetta er fimmta tap KR á tíma­bil­inu í tólf leikjum:

„Ég held það sé nauð­syn­legt fyrir íslenskan fót­bolta, að þetta KR verk­efni sé til,“ sagði Óskar Hrafn Þor­valds­son í sam­tali við Vísi eftir leik­inn gegn Val.

Bætti þessu við:

„Ég held það sé bara þannig, svo geta menn verið ósam­mála mér, og ég hef fullan skiln­ing að flestir skilja ekk­ert í því hvað við erum að gera. Vegna þess að und­ir­liggj­andi og grunn­kenn­ing flestra um íslenskan fót­bolta er það að þetta snýst um að ná í þrjú stig í hverjum ein­asta leik. Ég er ekki til­bú­inn að fórna mínum hug­myndum til þess að ná í þrjú stig í hverjum leik. Ég ætla hins vegar á ein­hverjum tíma­punkti að ná í þrjú stig í sem flestum leikjum með minni hug­mynda­fræði. Ég er ekki til­bú­inn að gera eins og Valur gerði í dag, sem er að eiga kannski 110 heppn­aðar send­ingar. Ég er ekki til­bú­inn til þess. Það verður ein­hver annar að gera það, ég myndi bara fá æluna upp í kok og senni­lega bara hugsa: Er ekki bara best að hætta þessu og fara að gera eitt­hvað annað?“