Íslenskir áhrifavaldar ósáttir við fjölmiðla

Í nýjum hlað­varps­þætti Teboðs­ins sagði Tanja Ýr, áhrifa­valdur, frá fæð­inga­sögu sinni. Þar opn­aði hún sig um upp­lifun sína þegar Smartland á mbl.is birti frétt um fæð­ingu barns­ins hennar áður en að Tanja hafði til­kynnt fólki það. Tanja Ýr fæddi barn kvöldið 23. jan­úar og vildi bíða með að til­kynna það heim­inum, en mbl.is birti frétt um fæð­ing­una þann 28. jan­úar.

„Mér fannst eitt­hvað verið tekið frá mér“ segir Tanja Ýr. Hún lýsti miklu ósætti við mbl.is og grun­aði heil­brigð­is­starfs­fólk að hafa lekið upp­lýs­ing­unum. Náið vina­fólk hafi þurft að frétta af fæð­ing­unni í gegnum fjöl­miðla áður en barnið hafði farið í fimm daga skoð­un­ina sína.

Tanja Ýr lýsti áhyggjum sínum um að nafni barns­ins myndi einnig vera lekið og þurfti því að til­kynna nafnið á sam­fé­lags­miðlum í flýti. „Ég þurfti þarna að skella á mig ein­hverju smá makeup og taka sel­fie með Ryani, greyið“ sagði Tanja Ýr í Teboðinu.

Sunneva Einars og Birta Líf, þátta­stjórn­endur Teboðs­ins, tóku undir með Tönju Ýr. Þær sögðu þetta ekki eins­dæmi að fjöl­miðlar á Íslandi hafi birt fréttir um barns­fæð­ingar eða nöfn barna áður en for­eldrar hefðu til­kynnt það sjálfir.

Aðrir áhrifa­valdar tóku undir í athuga­semdum við stutta klippu af hlað­varp­inu sem var birt á TikTok. „Svo sam­mála! Lenti í því sjálf að liggja inná deild eftir erf­iða fæð­ingu og hjúkr­un­ar­fræð­ingur í vakt var búin að slúðra því í grúpp­urnar sínar að ég væri þarna inni og búin að eiga, fékk massa inni­lok­un­ar­kennd og fékk að drífa mig heim frekar en að nýta mér frek­ari þjón­ustu. Fjöl­miðlar voru farnir að hringja morg­un­inn eftir svo ég neydd­ist til að drífa mig að til­kynna áður en við vorum til­búin fyrir áreitið - takk fyrir umræð­una Tanja Ýr,“ skrif­aði Camilla Rut í athuga­semdum.

„Þetta var líka gert við mig! Ég átti dóttur mína kl 17:53 og það var til­kynnt i kvöld­fréttum að ég hafi eign­ast barn! Svo þú ert ekki ein,“ skrifar Alda Jóhanna Hafna­dóttir sem vakti athygli á sínum tíma fyrir að eign­að­ist barn 13 ára árið 2004. Hún sló síðar í gegn á TikTok.

Í þætt­inum ræða þær hversu létti­lega heil­brigð­is­starfs­fólk getur lekið upp­lýs­ingum. „Þarf maður núna að hafa áhyggjur af því bara ef þú kaupir óléttu­próf út í apó­tek­inu, að það komi sem frétt? Er ekki hægt að treysta neinum?“ spurði Birta Líf.

Tanja Ýr sagð­ist hafa verið með efa­semdir um að fæða á Íslandi, einmitt vegna hræðslu við atburða­rás líkt og þessa. Hún er búsett í London með barns­föður sínum, Ryan Amor.