Illugi minnist 10 ára drengs frá Úkraínu

Illugi Jök­uls­son minn­ist tíu ára drengs sem rúss­neski her­inn drap í Úkraínu og minnir á sama tíma á skuld­bind­ingu sem Rússland skrif­aði undir fyrir 30 árum um að virða ávalt landa­mæri Úkraínu.

Fjöl­miðla­mað­ur­inn Illugi Jök­uls­son birti í gær ljós­mynd af hinum 10 ára gamla úkra­ínska dreng, Tymur Hryhor­enko, sem drep­inn var í árás Rúss­lands­hers í Úkraínu fyrir viku. Tveimur árum áður drap sami her föður hans.

„Þetta er Tymur Hryhor­enko. Hann var tíu ára og liggur nú dáinn í úkra­ínskri jörð. Rússar drápu pabba hans fyrir tveimur árum og nú fyrir viku síðan drápu þeir hann. Fari þeir allir saman norður og niður, sem nú ráða Rúss­landi,“ skrifar Illugi á Facebook.

Í seinni hluta Facebook-færslu sinnar rifjar Illugi upp það þegar Rússar, auk ann­arra þjóða, skrif­uðu undir form­lega skuld­bind­ingu sem fól í sér að virða ávalt landa­mæri og sjálf­stæði Úkraínu, gegn því að landið afhenti öll sín kjarn­orku­vopn.

“Fyrir 30 árum skrif­uðu Rússar ásamt fleirum undir þessa form­legu skuld­bind­ingu um að virða ævin­lega landa­mæri og sjálf­stæði Úkraínu sem í stað­inn afhenti öll sín kjarn­orku­vopn, en Úkraína var þá þriðja mesta kjarn­orku­vopna­veldi heims­ins:

„1. Rúss­neska sam­bands­ríkið [...] end­ur­nýjar skuld­bind­ingu sína gagn­vart Úkraínu, í sam­ræmi við meg­in­reglur Loka­gerðar Öryggis- og sam­vinnu­ráð­stefn­unnar í Evrópu, um að virða sjálf­stæði og full­veldi Úkraínu, sem og fyr­ir­liggj­andi landa­mæri lands­ins.

1. Rúss­neska sam­bands­ríkið [...] end­ur­nýjar skuld­bind­ingu sína um að var­ast hót­anir um eða beit­ingu her­valds gegn land­helgi eða stjórn­mála­legu sjálf­stæði Úkraínu, og að engin vopna þeirra verði nokkru sinni beitt gegn Úkraínu nema til sjálfs­varnar eða með öðrum hætti í sam­ræmi við sátt­mála Sam­ein­uðu þjóð­anna.
2. Rúss­neska sam­bands­ríkið [...] end­ur­nýjar skuld­bind­ingu sína gagn­vart Úkraínu, í sam­ræmi við meg­in­reglur Loka­gerðar Öryggis- og sam­vinnu­ráð­stefn­unnar í Evrópu, um að gæta þess að beita ekki efna­hags­legum þving­unum í þeim til­gangi að knýja Úkraínu til að láta af beit­ingu þeirra rétt­inda sem fel­ast í full­veldi hennar, í þágu eigin hags­muna, og þannig afla sér yfir­burða af hvaða tagi sem er“.“