Um 9.000 mættu á Þjóð gegn þjóðarmorði

Um 9.000 manns komu saman á fjölda­fundum víða um land laug­ar­dag­inn 6. sept­em­ber til að sýna sam­stöðu með palest­ínsku þjóð­inni og mót­mæla því sem skipu­leggj­endur kalla stríðs­glæpi, glæpi gegn mann­kyni og þjóð­ar­morð Ísraels í Palest­ínu.

Fund­irnir, sem haldnir voru í Reykja­vík, Stykk­is­hólmi, Ísafirði, Hólmavík, Húsavík, Akureyri og á Egils­stöðum, voru liður í aðgerð­inni Þjóð gegn þjóð­ar­morði, sem skipu­lögð var af Breið­fylk­ing­unni og sam­ráðs­vett­vangnum Samstaða með Palest­ínu.

Samkvæmt skipu­leggj­endum tókst að virkja sam­stöðu 185 ólíkra félaga, hópa og stofn­ana á örfáum dögum. Í frétta­til­kynn­ingu þakka þeir sér­stak­lega þeim sem stóðu fyrir fund­unum utan höf­uð­borg­ar­svæð­is­ins.

Á Aust­ur­velli í Reykja­vík fluttu ræðu­menn ákall til stjórn­valda um aðgerðir.

„Í dag heimtar þjóðin alvöru aðgerðir af hálfu íslenskra stjórn­valda. Ekki fleiri orð sem lýsa áhyggjum, hneykslan eða upp­gjöf. Við krefj­umst aðgerða sem bíta og láta þá seku sæta ábyrgð,“ sagði Finn­björn A. Her­manns­son, for­seti ASÍ.

Fida Abu Libdeh, frum­kvöð­ull, lagði áherslu á mann­úð­ar­að­stoð og ábyrgð Ísraels:

„Við verðum að krefj­ast þess að mann­úð­ar­að­stoð fái að ber­ast. Að hungrið verði stöðvað. Að her­nám­inu verði lokið. Að Ísrael verði dregið til ábyrgðar fyrir þessi brot.“

Skipu­leggj­endur segj­ast fagna við­brögðum stjórn­valda en telja þau ekki í sam­ræmi við alvar­leika aðstæðna.

Röð mál­funda fram undan

Samstaða með Palest­ínu til­kynnti jafn­framt um áfram­hald­andi aðgerðir en framundan er röð mál­funda. Fyrsti mál­fund­ur­inn verður fimmtu­dag­inn 18. sept­em­ber kl. 17.30 á Lista­safni Reykja­víkur. Þar munu Anna Lúð­víks­dóttir, fram­kvæmda­stjóri Amnesty International á Íslandi, og Baldur Þór­halls­son, pró­fessor, halda erindi og ræða við fund­ar­gesti. Þór­hildur Sunna Ævars­dóttir mun stýra fund­inum.

Í til­kynn­ing­unni eru einnig vitnað í orð Stein­unnar Þórð­ar­dóttur, for­manns Lækna­fé­lags Íslands, sem segir atlög­una að heil­brigð­is­starfs­fólki á Gaza „ógna ekki ein­göngu íbúum Gaza heldur heim­inum öllum“.

Þá er einnig vitnað í Matt­hildi Bjarna­dóttur, prests, sem flutti skila­boð á fjölda­fund­inum: „Stundum er það stór­hættu­legt að elska, gerðu það samt. Finndu þínar leiðir til þess að senda afleggjara ástar inn í fram­tíð­ina.“