„Fólk þurfti að fara út á handklæðum“

Dælubíll Slökkvi­liðs­ins á höf­uð­borg­ar­svæð­inu var sendur að Laug­ar­dals­laug um sex leytið í gær­kvöldi, eftir að bruna­varn­ar­kerfi í laug­inni fór í gang.

Að sögn sund­laug­ar­gests sem Mannlíf ræddi við var tals­verður hasar í laug­inni þegar bruna­kerfið fór í gang. „Við vorum bara í sundi og þetta var hasar. Fólk þurfti að fara út á hand­klæðum.“

Sem betur fer reynd­ist vanda­málið lít­ils­háttar en Slökkvi­lið höf­uð­borg­ar­svæð­is­ins stað­festi við Mannlíf að bruna­kerfið hafi farið í gang og að dælu­bíll hafi verið sendur á vett­vang. Ástæðan fyrir útkall­inu var sú að reykur kom út úr einu ljósi í bygg­ing­unni en slökkvi­liðs­menn þurftu ekki að aðhaf­ast vegna þess og keyrðu fljót­lega aftur á stöð­ina.