Mickey Rourke er ekki á góðum stað í lífinu og er leikarinn orðinn nánast óþekkjanlegur frá því sem áður var.
Nýlega var greint frá því að leikarinn hafi misst heimili sitt eftir að hafa ekki haft efni á að greiða leigu í húsinu sem hann bjó í Los Angeles. Hann hefur þó fundið sér annan dvalarstað en myndir sem hafa verið birtar af honum nýlega sýna hann gjörbreyttan í útliti.
Rourke sló í gegn sem hjartaknúsari í Hollywood-myndum á níunda áratug síðustu aldar en lét lítið fara fyrir sér á þeim tíunda. Hann átti þó góða endurkomu á fyrsta áratug 21. aldar þar sem hann lék lykilhlutverk í myndum á borð við Once Upon a Time in Mexico, Sin City og Domino. Hann var svo tilnefndur til Óskarsverðlauna sem besti leikari í aðalhlutverki fyrir myndina The Wrestler en myndin kom út árið 2008.
Ferill hefur hins vegar ekki verið á góðum stað undanfarin ár en hann er 73 ára gamall.
Rourke hefur í gegnum tíðina glímt við fíkniefnavanda og áfengisfíkn.
Athugasemdir