Skálað í rjúkandi heitu súkkulaði með rjóma

Inga Sæland, félags- og hús­næð­is­mála­ráð­herra, og Vig­dís­ar­holt ehf. und­ir­rit­uðu í dgær sam­komu­lag  um bygg­ingu og rekstur nýs 108 rýma hjúkr­un­ar­heim­ilis í Vatns­hlíð við Ásvall­ar­braut í Hafn­ar­firði en stjórn­völd greindu frá þessu í til­kynn­ingu í gær.

Samhliða var und­ir­ritað sam­komu­lag milli Vig­dís­ar­holts og Hafn­ar­fjarð­ar­bæjar um lóða­út­hlutun á svæð­inu.

Nákvæm stað­setn­ing lóðar og end­an­leg stærð verður ákvörðuð af Hafn­ar­fjarð­arbæ þegar deiliskipu­lag svæð­is­ins liggur fyrir. Gert er ráð fyrir að end­ur­skoðun aðal­skipu­lags ljúki næsta vor  og að lóðin verði til­búin til fram­kvæmda á árinu 2027.

„Með þess­ari vilja­yf­ir­lýs­ingu við Vig­dís­ar­holt og Hafn­ar­fjarð­arbæ erum við að senda skýr skila­boð: Við ætlum að bregð­ast við. Við ætlum að byggja upp. Og við ætlum að gera það í sam­starfi og með hags­muni fólks­ins að leið­ar­ljósi. Ég óska Hafn­firð­ingum inni­lega til ham­ingju með þennan áfanga og hlakka til að fylgj­ast með verk­efn­inu raun­ger­ast,“ sagði Inga við til­efnið.

„Svona upp­bygg­ing snýst um öryggi, þjón­ustu og reisn fyrir eldra fólk og aðstand­endur þeirra. Nú förum við af fullum krafti í skipu­lags­vinn­una svo lóðin verði til­búin til fram­kvæmda árið 2027. Þetta er mjög mik­il­vægt skref fyrir Hafn­ar­fjörð og ég fagna því að við séum komin með skýra vilja­yf­ir­lýs­ingu um upp­bygg­ingu hjúkr­un­ar­heim­ilis fyrir allt að 108 rými. Þörfin er mikil.“ sagði Valdimar bæj­ar­stjóri.