María Birta missti sjónina tímabundið eftir flókna aðgerð

Leik­konan María Birta Bjarna­dóttir Fox greinir frá því í sam­tali við Mannlíf að hún hafi nýlega geng­ist undir umfangs­mikla aðgerð en ákvörð­unin hafi verið vel ígrunduð og lengi í und­ir­bún­ingi. María Birta býr í Las Vegas ásamt eig­in­manni sínu, lista­mann­inum Ella Egils­syni.

Í svörum sínum útskýrir María Birta Bjarna­dóttir Fox að hún hafi ákveðið að láta taka sig úr sam­bandi eftir langa umhugsun. „Í stuttu máli þá var ég að láta taka mig úr sam­bandi. Þetta er eitt­hvað sem ég hefði pælt í að gera í langan tíma og var búin að segja Ella að ég myndi gera um leið og dóttir okkar Ignacia myndi eign­ast systk­ini,“ segir hún og bætir við að fjöl­skyldan hafi ætt­leitt systur dóttur þeirra, Nöju, í maí í fyrra. „Við ætt­leiddum systur hennar, Nöju, í maí í fyrra og ég bók­aði aðgerð­ina í sama mán­uði.“

Flókin aðgerð

Aðgerðin reynd­ist erf­ið­ari en upp­haf­lega var gert ráð fyrir. María Birta greind­ist með blöðru á eggja­stokk skömmu fyrir aðgerð­ina. „Aðgerðin varð aðeins flókn­ari en við bjugg­umst við því að ég greind­ist með 6.3cm blöðru á eggja­stokk í lok nóv­em­ber sem ég vissi að þyrfti að taka eins fljótt og auðið er, en það var hægt að gera þetta allt í sömu aðgerð, fjar­lægja eggja­leið­ara, blöðr­una og gera svo­kallað uterine ablation.“

Hún segir afleið­ingar aðgerð­ar­innar skýrar, en jafn­framt í sam­ræmi við hennar eigin fram­tíð­ar­sýn. „Núna get ég sem­sagt hvorki orðið ólétt né gengið með barn, en það var aldrei planið mitt hvort eð er.“ Hún tekur einnig fram að heilsu­fars­á­stæður hafi legið að baki ákvörð­un­inni. „Ég fór í aðgerð­ina því ég er með endó­metríósu og þetta mun von­andi koma í veg fyrir frek­ari verki tengda þeim sjúk­dómi. Það er ekki víst þó … það kemur í ljós á næstu mán­uðum.“

Missti sjónina

Í kjöl­far aðgerð­ar­innar upp­lifði hún óvæntan fylgi­kvilla þegar hún missti tíma­bundið sjón­ina. „Ég missti svo tíma­bundið sjón­ina eftir aðgerð­ina því ég hef lík­leg­ast í svefni snert ógeðis­lím­miðan sem var settur á mig fyrir aðgerð og snert svo á mér augun. Þá stækka víst auga­stein­arnir og maður getur misst sjón­ina að hluta til í allt að 72klst.“ Hún segir batann hafa verið hraðan. „Ég fór að geta lesið aftur skila­boð í sím­anum mínum á mánu­dag­inn 😅,“ segir María Birta í skrif­legu svari til Mannlífs.

Þrátt fyrir aðgerð­ina og bata­tím­ann lét María Birta það ekki stoppa sig í vinnu. „Mér líður vel núna, fór í aðgerð­ina á föstu­dag­inn og gerði 2 sýn­ingar í gær á mið­viku­degi 😅,“ skrifar María Birta en hún leikur Sister Victoria í sýn­ing­unni Atomic Saloon Show.

Hún við­ur­kennir þó að hún hafi verið í vafa fyr­ir­fram, sér­stak­lega vegna eðlis starfs síns. „Ég þori að við­ur­kenna að ég vissi ekki hvort ég væri til­búin til þess, vinnan mín auð­vitað frekar óhefð­bundin, svolitlir verkir eftir báðar sýn­ing­arnar en ekk­ert sem að ég höndla ekki ☺️ Bara áfram með smjörið 😂“