Magnús Jón Magnússon ráðinn af Dögum

Þjón­ustu­fyr­ir­tækið Dagar hf. hefur ráðið Magnús Jón Magn­ús­son í starf fjár­mála­stjóra. Hann tekur einnig sæti í fram­kvæmda­stjórn félags­ins, þar sem um 700 starfs­menn starfa á þremur starfs­stöðvum. Vísir sagði frá ráðn­ing­unni.

Fram kemur í til­kynn­ingu frá fyr­ir­tæk­inu að Magnús komi til starfa frá Icelandair, þar sem hann starf­aði í ára­tug. Þar gegndi hann síð­ast lyk­il­hlut­verki í stefnu­mótun og rekstr­ar­legri eft­ir­fylgni, en hafði áður starfað við fjár­mála­grein­ingu og gerð rekstr­ar­á­ætl­ana.

Bryn­hildur Guð­munds­dóttir, for­stjóri Daga, segir ráðn­ing­una mik­il­væga fyrir áfram­hald­andi þróun félags­ins. Hún bendir á að reynsla og þekk­ing Magnúsar muni styrkja fjár­mála­stýr­ingu, auka skil­virkni og styðja við frek­ari fram­þróun í staf­rænum og tækni­legum lausnum fyr­ir­tæk­is­ins.

Magnús er með MBA-gráðu frá Schiller International Uni­versity í Flórída og er jafn­framt við­skipta­fræð­ingur frá Háskóli Íslands.