Heilbrigðisnefndir lagðar niður

Alþingi hefur sam­þykkt frum­varp Jóhanns Páls Jóhanns­sonar, umhverfis-, orku- og lofts­lags­ráð­herra, um ein­földun eft­ir­lits með holl­ustu­háttum og meng­un­ar­vörnum. Lögin fela í sér að heil­brigð­is­nefndir sveit­ar­fé­laga verða lagðar niður þann 1. jan­úar 2027 og fram­kvæmdin færð undir eitt stjórn­sýslu­stig hjá Umhverfis- og orku­stofnun.

Breyt­ingin er liður í víð­tækri stefnu rík­is­stjórn­ar­innar um ein­földun reglu­verks, hag­ræð­ingu og sam­ein­ingu stofn­ana. Ráðherra umhverfis-, orku- og lofts­lags­mála og atvinnu­vega­ráð­herra hafa unnið náið saman að þess­ari heild­stæðu upp­stokkun á eft­ir­liti með atvinnu­starf­semi í land­inu.

Nýju lögin byggja á tveggja ára­tuga grein­ing­ar­vinnu sem ítrekað hefur sýnt fram á skort á sam­ræmi milli lands­hluta og þörf á skýr­ari yfir­stjórn.

Jafnræði tryggt með samræmdu eftirliti um allt land

Hingað til hefur fram­kvæmd eft­ir­lits­ins verið dreifð á níu ólík heil­brigð­is­eft­ir­lits­svæði sveit­ar­fé­laga. Með því að færa verk­efnin og útgáfu starfs­leyfa til Umhverfis- og orku­stofn­unar verður stjórn­sýslan ein­fald­ari og skil­virk­ari.

Samhliða flutn­ingnum verður inn­leitt nýtt, staf­rænt upp­lýs­inga- og verk­efna­stjórn­un­ar­kerfi. Helstu kostir þess fyrir eft­ir­lits­þega eru:

• Sam­ræmdar kröfur: Eft­ir­lits­skýrslur, skrán­ing frá­vika og eft­ir­fylgni verða eins óháð stað­setn­ingu.
• Færri ferðir til þeirra sem standa sig vel: Nýtt áhættu­mat mun fækka eft­ir­lits­ferðum og lækka kostnað hjá fyr­ir­tækjum sem eru með allt á hreinu.
• Aukin sjálf­virkni­væð­ing: Afmark­aðir þættir starf­sem­innar verða tölvu­væddir til að flýta fyrir afgreiðslu.

Öflug starfsemi áfram tryggð í öllum landshlutum

Inn­leið­ing­ar­vinna er þegar hafin og er lögð rík áhersla á að halda utan um þekk­ingu núver­andi starfs­fólks heil­brigð­is­eft­ir­lit­anna. Starfs­fólk sem sinnt hefur þessum verk­efnum mun njóta for­gangs til nýrra starfa hjá Umhverfis- og orku­stofnun.

Þótt stjórn­sýslan flytj­ist til rík­is­ins verður eft­ir­litið áfram fram­kvæmt í nærum­hverfi fyr­ir­tækja. Með sér­stakri breyt­ing­ar­til­lögu sem sam­þykkt var á Alþingi er tryggt með lögum að Umhverfis- og orku­stofnun skuli hafa starfs­fólk stað­sett í öllum kjör­dæmum og lands­hlutum: