Dyravörður var handtekinn í borginni Carlsbad í Kaliforníu á miðvikudagskvöld eftir að hafa að sögn skotið rafbyssu í andlit gests á skemmtistaðnum Park 101. Maðurinn hefur verið ákærður fyrir tvö alvarleg ofbeldisbrot.
Atvikið náðist á myndband sem vitni tók upp á vettvangi. Myndskeiðið hefur farið hratt í dreifingu á samfélagsmiðlum og sýnir þegar barsgestur ræðir við tvo dyrðaverði áður en annar þeirra dregur skyndilega upp rafbyssu og skýtur rafoddi í andlit mannsins af mjög stuttu færi. Í kjölfarið fellur maðurinn til jarðar augljóslega sárþjáður og vegfarandi kemur honum til aðstoðar.
Lögreglumenn sem voru við eftirlit í nágrenninu voru stöðvaðir af vitnum og fóru þegar á vettvang. Að sögn lögreglu var dyravörðurinn, David Marquez, handtekinn eftir að lögreglumenn höfðu skoðað myndbandsupptöku af atvikinu. Marquez var í kjölfarið færður í fangageymslu.
Sá sem varð fyrir árásinni var fluttur á áfallamiðstöð sjúkrahúss til meðferðar. Ekki hefur verið greint frá umfangi meiðsla hans.
Lögreglan í Carlsbad rannsakar nú málið og hefur ekki upplýst hvað hafi legið að baki átökunum eða hvort frekari ákærur kunni að verða lagðar fram.
Athugasemdir