Kemur til Íslands til að veita innsýn í hryllinginn á átakasvæðum

Dr. Younis Al-Khatib, for­seti palest­ínska Rauða hálf­mán­ans (PRCS), verður á Íslandi dag­ana 1.-5. sept­em­ber næst­kom­andi í boði Rauða kross­ins á Íslandi. Í heim­sókn­inni mun Dr. Al-Khatib m.a. hitta Höllu Tóm­as­dóttur for­seta Íslands, Þorgerði Katrínu Gunn­ars­dóttur utan­rík­is­ráð­herra og eiga fundi með full­trúum utan­rík­is­mála­nefndar, lands­nefndar um mann­úð­ar­rétt og þró­un­ar­sam­vinnu­nefndar.

Fimmtu­dag­inn 3. sept­em­ber mun Dr. Al-Khatib svo halda opinn fyr­ir­lestur í sal Þjóð­minja­safns­ins. Þar mun hann fjalla um stöðu mann­úð­ar­mála í Palest­ínu og þær áskor­anir sem ein­kenna starf palest­ínska Rauða hálf­mán­ans. Lands­nefnd um mann­úð­ar­rétt og Alþjóða­mála­stofnun standa að við­burð­inum sem ber yfir­skrift­ina Vernd og mannúð á átaka­svæðum: Áskor­anir og árangur í starfi palest­ínska Rauða hálf­mán­ans og hefst hann kl. 12. Fyr­ir­lest­ur­inn er opinn öllum meðan hús­rúm leyfir og verður sömu­leiðis sendur út í beinu streymi.

Að kvöldi föstu­dags­ins 4. sept­em­ber verður Dr. Al-Khatib við­staddur sér­staka sýn­ingu á kvik­mynd­inni The Voice of Hind Rajab í Bíó Paradís. Starfs­fólk neyð­ar­línu palest­ínska Rauða hálf­mán­ans fékk í byrjun árs 2024 sím­tal frá sex ára stúlku sem var í bíl með látnum skyld­mennum og skot­hríð í bak­grunn­inum. Í mynd­inni eru raun­veru­legar upp­tökur frá síð­asta sam­tali hennar við starfs­fólk neyð­ar­lín­unnar og gefur hún því óvenju­lega inn­sýn í þann hryll­ing sem börn og full­orðnir upp­lifa á átaka­svæðum. Dr. Al-Khatib mun flytja stutt erindi að sýn­ingu lok­inni og sitja fyrir svörum áhorf­enda.

Frekari upp­lýs­ingar um sýn­ing­una og miða­sölu.

Um Dr. Younis Al-Khatib

Dr. Younis Al-Khatib hefur verið for­seti palest­ínska Rauða hálf­mán­ans frá árinu 2000. Hann hefur þó starfað í þágu félags­ins mun lengur eða allt frá árinu 1982 er hann gerð­ist fyrst sjálf­boða­liði. Síðan þá hefur hann gegnt ýmsum ábyrgð­ar­stöðum innan félags­ins, þar á meðal sem for­stjóri palest­ínska sjúkra­húss­ins í Kaíró, sem yfir­maður heil­brigð­is­á­ætl­ana og mannauðs­mála og fram­kvæmda­stjóri.

Dr. Al-Khatib hefur einnig verið öfl­ugur í alþjóða­starfi hreyf­ing­ar­innar í ára­tugi. Hann sat í stjórn Alþjóða­sam­bands Rauða kross­ins og Rauða hálf­mán­ans (IFRC) á árunum 2017–2022 og hefur auk þess átt sæti í ýmsum nefndum og vinnu­hópum á vegum hreyf­ing­ar­innar í gegnum tíð­ina. Hann er mennt­aður í við­skipta-, lýð­heilsu- og stjórn­un­ar­fræðum og hefur hlotið heið­urs­dokt­ors­gráðu við Hanseo-háskóla í Suður-Kóreu.

Um palestínska Rauða hálfmánann

Palest­ínski Rauði hálf­mán­inn sinnir víð­tæku og lífs­bjarg­andi mann­úð­ar­starfi. Félagið rekur m.a. neyð­ar­línu, sjúkra­bíla, sjúkra­hús og heilsu­gæslu­stöðvar og gegnir stóru hlut­verki í dreif­ingu neyð­ar­að­stoðar. Líkt og í öðrum lands­fé­lögum hreyf­ing­ar­innar eru sjálf­boða­liðar burða­rás­inn í allri þjón­ustu sem veitt er.

Frá októ­ber 2023 hefur palest­ínski Rauði hálf­mán­inn sinnt lyk­il­hlut­verki í veit­ingu mann­úð­ar­að­stoðar á Gaza við gíf­ur­lega erf­iðar aðstæður, ferða­tak­mark­anir, hömlur á flutn­ingi nauð­syn­legra hjálp­ar­gagna og óör­uggs ástands. Yfir 30 starfs­menn og sjálf­boða­liðar palest­ínska Rauða hálf­mán­ans hafa verið drepnir við störf sín á Gaza. Tveir hafa verið drepnir á Vest­ur­bakk­anum á sama tíma­bili.

Rauði kross­inn á Íslandi hefur stutt starf­semi palest­ínska Rauða hálf­mán­ans um ára­bil og mun halda því áfram.