Stal málverki við Barónsstíg og flúði lögreglu á stolnum bíl

Karl­maður hefur verið dæmdur í þriggja mán­aða skil­orðs­bundið fang­elsi fyrir þjófnað, þrjá nytja­stuldi, umferð­ar­laga­brot og brot gegn lög­reglu­lögum.

Brotin voru framin á tíma­bil­inu frá jan­úar til júní 2025.

Maðurinn var meðal ann­ars sak­felldur fyrir að hafa brot­ist inn í hús­næði við Bar­óns­stíg í Reykja­vík, ásamt öðrum, 8. jan­úar 2025 og stolið þaðan mál­verki að óþekktu verð­mæti.

Í maí sama ár tók hann bif­reið í Reykja­vík í heim­ild­ar­leysi og ók henni þrátt fyrir að vera sviptur öku­rétti. Síðar sama dag ók hann bif­reið­inni undir áhrifum fíkni­efna og lyfja. Í blóð­sýni mæld­ist meðal ann­ars metam­fetamín. Hann sinnti ekki ítrek­uðum fyr­ir­mælum lög­reglu um að stöðva akst­ur­inn en lög­regla hafði að lokum afskipti af honum í Engi­hjalla í Kópavogi.

Fjórum dögum síðar tók mað­ur­inn aðra bif­reið í heim­ild­ar­leysi við fyr­ir­tæki í Skóg­ar­hlíð. Hann ók henni meðal ann­ars um Reykja­nes­braut, þar sem hann ók utan í aðra bif­reið, en yfir­gaf vett­vang án þess að sinna skyldum sínum vegna umferð­ar­ó­happs­ins.

Í júní tók hann síðan þriðju bif­reið­ina heim­ild­ar­laust og ók henni um Bústaða­veg þar til lög­regla hafði afskipti af honum.

Maðurinn ját­aði brotin ský­laust. Við ákvörðun refs­ingar var meðal ann­ars litið til játn­ingar hans og þess að hann hefði lagt fram gögn um áfengis- og fíkni­efna­með­ferð. Fyrri auðg­un­ar­brot horfðu hins vegar til refsi­þyng­ingar.

Dómurinn ákvað þriggja mán­aða fang­elsi en frestaði fulln­ustu refs­ing­ar­innar. Refs­ingin fellur niður að tveimur árum liðnum haldi mað­ur­inn almennt skil­orð.

Honum var jafn­framt gert að greiða rúm­lega 530 þús­und krónur í málsvarn­ar­þóknun og annan sak­ar­kostnað.