Miranda Hart brast í grát eftir brotthvarf Joe Lycett úr Celebrity Traitors

Breska gam­an­leik­konan Miranda Hart brast í grát í nýjasta þætti raun­veru­leika­þátt­anna Celebrity Traitors eftir að Joe Lycett yfir­gaf keppn­ina.

Hart, sem er 53 ára, naut mik­illa vin­sælda á öðrum ára­tugnum með eigin gam­an­þátta­röð, Miranda. Hún þurfti þó síðar að draga sig úr sviðs­ljós­inu vegna langvar­andi þreytu og veik­inda.

Hart hafði myndað sterk tengsl við Lycett, sem var einn af hinum trú­föstu kepp­endum í leiknum. Þegar honum var vísað úr kast­al­anum var aug­ljóst að brott­hvarf hans hafði djúp áhrif á hana.

„Ég trúi ekki hversu til­finn­inga­rík ég er orðin. Vá. Tengsl, hlátur og gleði eru stærri en þessi leikur. Að kynn­ast ein­hverjum og geta bara leikið sér og hlegið, það er allt sem við mann­fólkið þurfum,“ sagði hún.

„Ég hef átt tíma­bil í líf­inu þar sem ég hef ekki haft þetta vegna veik­inda, og þetta hefur vakið upp til­finn­ingar hjá mér, þess­ari við­kvæmu og dálítið sér­kenni­legu sál.“

Hart ræddi síðar við James Acaster, sem gegnir hlut­verki svik­ara í þátt­unum og hugg­aði hana með faðm­lagi.

„Ég hef ekki leikið mér svona lengi. Ég held að flóð­gátt­irnar hafi ein­fald­lega opn­ast. Skyndi­lega sner­ist þetta ekki lengur um ein­hvern kjána­legan leik þar sem maður er ann­að­hvort trú­fastur eða svik­ari,“ sagði hún.

Greindist með Lyme-sjúkdóminn

Hart hefur áður sagt frá því að hún hafi smit­ast af sjúk­dómi sem berst með mítlum þegar hún bjó í Banda­ríkj­unum á ung­lings­ár­unum. Á einum tíma­punkti greind­ist hún með ME, einnig þekkt sem síþreytu­heil­kenni, áður en hún greind­ist að lokum með Lyme-sjúk­dóm­inn árið 2020.

Celebrity Traitors markar fyrstu þátt­töku hennar í almennum sjón­varps­þáttum í sex ár. Hún hefur nú sagt frá því að hún hafi gripið tæki­færið þegar henni bauðst að taka þátt.

„Þegar ég tek ákvarð­anir í líf­inu, og sér­stak­lega varð­andi vinnu, reyni ég að fylgja gleð­inni. Ég hef lítið unnið í sjón­varpi í langan tíma, enda hef ég aðeins nýlega náð mér eftir langvar­andi veik­indi. Þegar mér var boðið að taka þátt slak­aði allur lík­am­inn á, ég brosti og mig lang­aði bara að hoppa um af gleði eins og skóla­stelpa,“ sagði hún.

„Þetta er ein­fald­lega skemmti­legt. Það fer fram utandyra og snýst um leiki. Allt sem ég elska. Þetta snýst í grunn­inn um að leika sér. Ég brenn líka fyrir því að hvetja fólk til að leika sér meira almennt, og þessi þáttur er einmitt frá­bært dæmi um það.“

Hún bætti við að þátt­ur­inn væri frá­bær sjón­varps­skemmtun og að eini gall­inn við þátt­tök­una væri sá að hún myndi sjálf birt­ast á skjánum þegar hún horfði á þátt­inn sem aðdá­andi.

Enn að glíma við veikindin

Þrátt fyrir að henni hafi farið fram er Hart enn að glíma við afleið­ingar veik­inda sinna. Leik­konan, sem meðal ann­ars hefur leikið í þátt­unum Call the Midwife og gekk í leyni í hjóna­band síðla árs 2024, býr enn við ákveðin ein­kenni en hefur lært að halda þeim í skefjum.

Hún taldi sig þó nógu hrausta til að taka þátt í þessum vin­sælu leikja­þætti BBC-stöðv­ar­innar, sem Claudia Winkleman stýrir.

„Ég bý enn við ákveðna þætti ME-sjúk­dóms­ins, sem þýðir að ég þarf að takast á við þreytu og verki. En ég er komin á þann stað að mér finnst ég nógu hraust til að fara aftur út í lífið, og það er ein ástæðan fyrir því að ég tek þátt,“ sagði hún.

„Vonandi vegur gleðin af því að fá aftur að leika sér í sjón­varpi þyngra en þær áskor­anir sem fylgja þessu. Ég held að þetta verði erfitt fyrir lík­amann, svo það verður áhuga­vert. Þetta krefst líka hug­rekkis, því þetta er stórt næsta skref fyrir mig.

Þegar maður lifir með lang­vinnum sjúk­dómi eru ein­kennin ósýni­leg og fólk veit því ekki að maður situr þarna með verki. En þá minnir það mann líka á að allir glíma við eitt­hvað. Ég hlakka því líka mikið til að eign­ast vini, hugsa um hvert annað og vona að þau geti borið mig upp brekku eða hvað sem við þurfum að gera!“ sagði Hart og var að tala um Traitors-þátt­inn.