Jón Guðni beit mann í geirvörtuna og sparkaði konu í lífbeinið

Jón Guðni Pét­urs­son hefur verið dæmdur í sex mán­aða fang­elsi í Hér­aðs­dómi Vest­fjarða fyrir fjórar lík­ams­árásir. Þrír mán­uðir refs­ing­ar­innar eru skil­orðs­bundnir til þriggja ára en Jón hafði áður hlotið skil­orðs­bund­inn dóm fyrir tvær lík­ams­árásir.

Alvar­leg­asta atvikið sem fjallað var um í mál­inu átti sér stað í Bol­ung­ar­vík aðfara­nótt 8. júní 2025. Þar réðst Jón á systk­ini fyrir utan heim­ili þeirra.

Samkvæmt dóm­inum sló Jón karl­mann­inn nokkrum sinnum í and­litið með krepptum hnefa. Í átök­unum beit hann mann­inn einnig í litla fingur vinstri handar og í geir­vört­una eða bring­una. Fyrir dómi við­ur­kenndi Jón að vel gæti verið að hann hefði bitið mann­inn á þessum stöðum en hélt því fram að hann hefði gert það til að losna úr háls­taki.

Brota­þol­inn lýsti því hins vegar að Jón hefði ráð­ist á sig og veitt sér högg. Þegar hann hefði reynt að ná stjórn á Jóni hefði sá síð­ar­nefndi farið að bíta hann, meðal ann­ars í fingur og geir­vörtu. Brota­þol­inn kvaðst hafa verið með bit­far á geir­vört­unni og mar í kring eftir átökin.

Dómurinn féllst ekki á að Jón hefði verið í lög­mætri neyð­ar­vörn og taldi ósannað að brota­þol­inn hefði átt upp­tökin að árásinni.

Jón var jafn­framt sak­felldur fyrir árás á systur manns­ins. Samkvæmt nið­ur­stöðu dóms­ins spark­aði hann í hné hennar og líf­bein og tók hana háls­taki. Konan hlaut meðal ann­ars áverka á hálsi, mar og eymsli í hné.

Tvær árásir á Edinborg Bistro

Jón var einnig sak­felldur vegna tveggja aðskil­inna atvika á skemmti­staðnum Edinborg Bistro á Ísafirði.

Í mars 2025 sló hann starfs­mann stað­ar­ins með krepptum hnefa í and­litið. Jón ját­aði þá árás fyrir dómi. Ákæru­valdið féll hins vegar frá þeim hluta ákærunnar sem laut að meintri líf­láts­hótun.

Í sept­em­ber sama ár var Jón aftur á Edinborg Bistro. Honum hafði verið mein­aður aðgangur að staðnum vegna fyrri hegð­unar. Dómurinn taldi sannað að hann hefði kýlt dyra­vörð í and­litið milli auga­brún­anna þegar dyra­vörð­ur­inn reyndi að hindra hann í að kom­ast inn.

Við ákvörðun refs­ingar var meðal ann­ars horft til þess að Jón hafði áður verið dæmdur fyrir tvær lík­ams­árásir og rauf með nýju brot­unum skil­orð þess dóms. Dómurinn lýsti árás­unum sem til­efn­is­lausum og fólsku­legum.

Jóni var gert að sæta sex mán­aða fang­elsi, þar af þremur mán­uðum skil­orðs­bundnum, auk þess að greiða einum brota­þola 200 þús­und krónur í miska­bætur og annan kostnað.