Erfitt er að finna stjórnmálamann í dag sem er glaðari en Guðrún Hafsteinsdóttir, formaður Sjálfstæðisflokksins, ef marka má þá sem þekkja til Sjálfstæðisflokksins.
Í maí vann flokkurinn mikinn sigur í sveitarstjórnarkosningum um allt land og telja menn að það sé erfitt að skrá það á einhvern annan en formanninn. Svo í júní ákvað hún Áslaug Arna Sigurbjörnsdóttir að segja af sér sem þingmaður flokksins en þær tvær háðu grimma baráttu um formannsstól flokksins fyrir rúmu ári. Sagt er að Guðrún hafi átt erfitt með að hemja gleði sína þegar hún frétti af afsögn Áslaugar.
Ljóst er að hefði illa gengið hjá Sjálfstæðisflokknum í nýafstöðnum kosningum hefði Áslaug Arna íhugað að bjóða sig fram aftur gegn sitjandi formanni á næsta landsfundi. Eina áhyggjuefni Guðrúnar núna er Ásdís Kristjánsdóttir, bæjarstjóri Kópavogs, en sagt er að hún hafi byrjað að undirbúa formannsframboð sitt um leið og tilkynnt var um sigur Guðrúnar á síðasta landsfundi ...
