Salma Aweys auglýsti eftir íbúð í Facebook hóp sem er ætlaður til slíks í gær. „Ég óska hér með eftir aðstoð við að finna íbúð hið fyrsta. Ég er einstæð móðir þriggja barna og er í brýnni þörf fyrir öruggt húsnæði sem fyrst,“ skrifaði Salma í hópinn.
Í auglýsingunni segist hún vera sveigjanleg varðandi staðsetningu á höfuðborgarsvæðinu og opinn fyrir þeim íbúðum sem kunna að vera lausar. Leitar hún að þriggja eða fjögurra herbergja íbúð.
„Ég er ábyrgur leigjandi og greiði alltaf leigu á réttum tíma, og get veitt tryggingu eða meðmæli ef þess er óskað. Vinsamlegast látið mig vita ef einhver íbúð er laus nú þegar eða losnar á næstu dögum. Ég þigg þakklát alla aðstoð og tækifæri til að flytja sem fyrst,“ og lýkur Salma auglýsingunni með því að þakka fyrir sig.
Fordómar í fyrirrúmi
Óhætt er að segja viðbrögð sumra hafi verið í besta falli vafasöm og mörg hreinlega fordómafull en Salma birti mynd af sér með auglýsingunni. Þar sést að hún dökk á hörund og er klædd slæðu og lopapeysu.
„Enough with the maintenance, maybe it's time to go home???“ skrifaði einn nafnlaus aðgangur.
„Find one in Somalia,“ skrifar Adam Shem Abraham við færsluna.
„Snackbarians are not welcome in Europe! Þú getur látið lemja þig annarstaðar hefur en á Íslandi! Fylgjendur barnaníðings hafa ekkert að gera í Evrópu!” ritaði Ingi Karl Sigríðarson við auglýsinguna.
Margar fleiri álíka athugasemdir eru ritaðar við færsluna í hópnum en margir Íslendingar grípa þó til varna og biðja móðurina afsökunar á rasísku ummælunum frá öðru fólki.
