Karlmaður hefur verið dæmdur í fangelsi af Héraðsdómi Reykjavíkur vegna peningaþvættis.

Hann var ákærður fyrir peningaþvætti, með því að hafa, um nokkurt skeið fram til 31. júlí 2025 tekið við samtals 9.950 evrum, sem er tæp ein og hálf milljóna króna, í reiðufé frá óþekktum aðila eða aðilum en reiðuféð var falið í skóm í póstsendingu sem ákærði póstlagði til Albaníu hjá Póstinum þann 31. júlí 2025. Með háttsemi sinni móttók ákærði ávinning af refsiverðum brotum.

Maðurinn játaði brot sitt en var því breytt að um ásetningsbrot væri um að ræða og var það flokkað sem gáleysisbrot.

Hann var dæmdur í 30 daga fangelsi en dómurinn er skilorðsbundinn til tveggja ára.