Hundaeigandi varar aðra hundaeigendur við í opinberri færslu eftir að lögreglan þurfti að grípa inn í pössun á hundi hans í gær. Hundurinn Bono fannst laus í hverfinu eftir að tilkynningar bárust um að hundapassarinn væri ófær um að sinna honum vegna annarlegs ástands.

Samkvæmt upplýsingum frá eiganda sást konan ganga um á sokkunum og reyna að fara inn í rangar íbúðir. Hún fór síðar með hundinn á hundasvæði þar sem lögreglan var kölluð til. Hundurinn Bono var í kjölfarið fluttur í örugga umsjá hjá Dýrahjálp og er hann ómeiddur eftir atvikana.

Eigandinn tekur fram að konan hafi komið mjög vel fyrir á persónulegum fundi fyrir pössunina, svarað öllum spurningum og virst traustsins virði. Markmið viðvörunarinnar er að hvetja aðra hundaeigendur til fyllstu varkárni, sérstaklega þar sem viðkomandi rekur Facebook-síðu þar sem hún auglýsir heimapössun á hundum.

Hægt er að fá frekari upplýsingar um málið með því að senda eigandanum einkaskilaboð.

„Mig langar að vara aðra hundaeigendur við reynslu sem við urðum fyrir í gær með konu sem tekur að sér hundapössun.

Við fengum símtal frá lögreglunni um að hundurinn okkar hann Bono væri í þeirra umsjá eftir að þeim hafði borist tilkynning um að hundapassarinn væri í þannig ástandi að hún væri ekki fær um að sinna hundinum. Hundurinn okkar hafði einnig sést ganga laus um hverfið okkar yfir langan tíma, án taums eða beislis, sem hefði getað endað mjög illa ef hann hefði hlaupið út á götu.

Samkvæmt þeim upplýsingum sem við fengum sást konan einnig ganga um á sokkunum, reyna að fara inn í rangar íbúðir og síðar fór hún með hundinn á hundasvæði. Þar var lögreglan kölluð til og hundurinn okkar var að lokum fluttur í örugga umsjá hjá Dýrahjálp.

Áður en við fengum hana til að passa hundinn okkar hittum við hana persónulega. Við ræddum við hana, hún svaraði öllum spurningum okkar og lofaði að fara vel með hundinn. Hún kom mjög vel fyrir og virtist traustsins verð, þannig að við höfðum enga ástæðu til að ætla að eitthvað svona gæti gerst.

Það sem mér finnst sérstaklega mikilvægt að láta fólk vita af er að hún rekur einnig Facebook-síðu þar sem hún auglýsir og býðst til að taka að sér heimapössun á hundum. Þess vegna finnst mér mikilvægt að aðrir hundaeigendur séu meðvitaðir um þessa reynslu þegar þeir velja sér hundapassara.

Sem betur fer er hundurinn okkar ómeiddur, en þetta hefði getað farið mun verr. Ég set þetta ekki inn til að ráðast á neinn heldur til að vara aðra hundaeigendur við og hvetja fólk til að vera mjög varkárt þegar það velur hundapassara.“